Pushpa 2: ఐకాన్ స్టార్ అల్లు అర్జున్ (Allu Arjun) హీరోగా, క్రియేటివ్ డైరెక్టర్ సుకుమార్‌ (Sukumar) తెరకెక్కించిన చిత్రం ‘పుష్ప 2 ది రూల్‌’ (Pushpa 2 The Rule). భారీ అంచనాల మధ్య డిసెంబర్‌ 5న విడుదలైన ఈ చిత్రం తొలి ఆట నుంచే సూపర్ హిట్ టాక్‌తో దూసుకుపోతోంది. దీంతో బాక్సాఫీస్ వద్ద కాసుల వర్షం కురుస్తోంది. అద్భుతమైన నటనతో బన్నీ, రష్మిక మందన్నా(Rashmika Mandanna) , ఫహాద్ పాజిల్ అభిమానులకు కట్టిపడేశారు.
తాజాగా మూవీ నుంచి ‘సూసేకి’ (Sooseki) ఫుల్ వీడియో సాంగ్‌ను మేకర్స్ రిలీజ్ చేశారు. ప్రస్తుతం ఈ పాట యూట్యూబ్‌లో దూసుకుపోతుంది. జాతర సన్నివేశం తర్వాత వచ్చిన ఈ పాట థియేటర్‌లోనూ ప్రేక్షకులను విశేషంగా అలరించింది. ఈ పాటలో అల్లు అర్జున్, శ్రీలీల నటన, డ్యాన్స్‌ ఆకట్టుకుంది. రాక్ స్టార్ దేవిశ్రీ ప్రసాద్‌ స్వరాలు సమకూర్చిన ఈ పాటకు చంద్రబోస్‌ సాహిత్యం అందించగా.. శ్రేయా ఘోషల్ ఆలపించారు. ఇదిలా ఉంటే ఈ మూవీ కేవలం 22 రోజుల్లోనే రూ.1700కోట్లకు పైగా వసూలు చేసి ఇండియన్ బాక్సాఫీస్ వద్ద సరికొత్త చరిత్ర లిఖించింది.
