SSMB29: సినిమా ఇండస్ట్రీ అంటేనే హిట్స్, ఫ్లాప్‌ల చుట్టూ తిరిగే ప్రపంచం. కొన్నిసార్లు ఒక డైరెక్టర్, హీరో వరుసగా హిట్లు కొట్టి టాప్‌కు వెళ్తారు. కానీ, ఆ విజయం ఎప్పుడు ఆగిపోతుందో, ఏ సినిమాతో ఫ్లాప్ మొదలవుతుందో మాత్రం ఎవరూ ఊహించలేరు. గతంలో చాలా మంది పెద్ద డైరెక్టర్ల విషయంలో ఈ ఫ్లాప్ భయం వెంటాడింది. ఇప్పుడు ఆ భయం రాజమౌళి, మహేష్ బాబు కలిసి చేస్తున్న భారీ ప్రాజెక్ట్‌పై పడింది.
ALSO READ: Jana Nayagan: ఫస్ట్ సాంగ్‌తో హైప్.. ‘భగవంత్ కేసరి’ పక్కా రీమేకేనా?
ఒకప్పుడు ఇండియన్ సినిమాను ఏలిన డైరెక్టర్లు కూడా వరుస ఫ్లాప్‌ల దెబ్బకు తలవంచారు. ఒకప్పుడు శంకర్ ‘జెంటిల్‌మెన్’, ‘భారతీయుడు’, ‘శివాజీ’ లాంటి ఎన్నో బ్లాక్‌బస్టర్లు ఇచ్చి, టెక్నికల్ వండర్ అనిపించుకున్నాడు. కానీ, ఆయన లేటెస్ట్ సినిమాలు ‘గేమ్ ఛేంజర్’, ‘భారతీయుడు 2’ ఆ స్థాయిలో ప్రేక్షకులను ఆకట్టుకోలేకపోయాయి. అలాగే, బాలీవుడ్‌లో రాజ్‌కుమార్ హిరానీ కూడా ‘మున్నాభాయ్ MBBS’, ‘త్రీ ఇడియట్స్’, ‘పీకే’ లాంటి అద్భుతమైన హిట్లు ఇచ్చినా, ఆయన చివరి సినిమా ‘డంకీ’ కి మాత్రం గత సినిమాలకు వచ్చినంత అద్భుతమైన స్పందన రాలేదు. అంటే, ఎన్ని హిట్లు ఇచ్చినా, తర్వాతి సినిమాపై అదే స్థాయిలో ఒత్తిడి ఉంటుంది.
ఇప్పుడు ఇదే భారీ అంచనాల బరువు, ఫ్లాప్ భయం రాజమౌళిపై పడింది. ‘బాహుబలి’, ‘RRR’ లాంటి వరల్డ్ వైడ్ బ్లాక్‌బస్టర్‌ల తర్వాత, రాజమౌళి ఒక డైరెక్టర్ కాదు, ఒక బ్రాండ్గా మారిపోయాడు. ‘RRR’ ఆస్కార్ గెలవడం, ప్రపంచవ్యాప్తంగా పేరు రావడంతో, ఆయన నెక్స్ట్ సినిమా కోసం అంతర్జాతీయ స్థాయిలోనే ఎదురుచూపులు మొదలయ్యాయి. ఈ క్రమంలో ఆయన మహేష్ బాబుతో కలిసి చేస్తున్న అడ్వెంచర్ ప్రాజెక్ట్ ‘SSMB29’ పై అంచనాలు ఆకాశాన్ని దాటేశాయి.
ALSO READ: Diwali Movies: ఓటీటీలో సినిమాల వర్షం.. ఒకే రోజు రిలీజ్!
‘RRR’ తర్వాత రాజమౌళి చేస్తున్న ఈ సినిమా, ఆ స్థాయిని దాటాలి లేదా కనీసం దానికి దగ్గరగా అయినా ఉండాలి. రాజమౌళి తన సినిమాలకు తీసుకునే సమయం, పెట్టే ఖర్చు అంతా అంచనాలను అందుకోవడానికే. మహేష్ బాబు కూడా స్టార్ హీరో కాబట్టి, ఇద్దరి కాంబోపై ఆడియెన్స్‌లో ఎక్స్‌పెక్టేషన్స్ తారాస్థాయికి చేరాయి. చిన్న పొరపాటు జరిగినా లేదా ఆడియెన్స్ అంచనాలు తగ్గినా, అది పెద్ద ఫ్లాప్‌గా మారిపోయే ప్రమాదం ఉంటుంది. అందుకే, హిట్లు కొట్టిన డైరెక్టర్లకు కూడా ఎప్పుడూ ఆ మొదటి ఫ్లాప్ భయం వెంటాడుతూనే ఉంటుంది. ఈ ఒత్తిడిని రాజమౌళి అండ్ టీమ్ ఎలా అధిగమించి, మరోసారి విజయాన్ని అందుకుంటారో చూడాలి.
