Shambhala: పాన్ ఇండియా స్టార్ ప్రభాస్ చేతుల మీదుగా విడుదలైన ఆది సాయికుమార్ నటించిన ‘శంబాల ఎ మిస్టికల్ వరల్డ్’ ట్రైలర్ ప్రస్తుతం అందర్నీ ఆకట్టుకుంటుంది. దర్శకుడు యుగంధర్ ముని ఒక యూనిక్ పాయింట్‌ను ఎంచుకున్నారని ట్రైలర్ చూస్తే అర్థమవుతోంది. ఒక మారుమూల గ్రామంలో ఉల్క పడటం వలన మొదలైన వింత ఘటనలు, వాటి వెనుక ఉన్న మిస్టరీ చుట్టూ ఈ కథ తిరుగుతుంది అని అర్ధం అవుతుంది. ఈ ట్రైలర్‌కు సాయికుమార్ పవర్‌ఫుల్ వాయిస్ ఓవర్ తోడై, స్టార్టింగ్ లోనే ట్రైలర్ హైప్ ను పెంచింది.
ట్రైలర్ స్టార్టింగ్ నుంచి ఎండ్ వరకు గ్రిప్పింగ్‌గా సాగింది. ఆది సాయి కుమార్ ఒక జియో సైంటిస్ట్ క్యారెక్టర్ లో నటిస్తూ, ప్రతి సంఘటన వెనుక ఉన్న సైంటిఫిక్ కారణాన్ని నిరూపించడానికి ప్రయత్నిస్తాడు. ట్రైలర్ చూస్తుంటేనే అర్ధం అవుతుంది, ఈ సినిమా అవుట్‌పుట్ విషయంలో రాజీ పడలేదని.
ALSO READ: Champion: శ్రీకాంత్ తనయుడు రోషన్ ‘ఛాంపియన్’ టీజర్ రివ్యూ!
‘శంబాల’ మూవీ ఆది సాయికుమార్ కెరీర్‌లోనే ఒక డిఫరెంట్ అటెంప్ట్‌ అని చెప్పవచ్చు. రొటీన్ కథలకు భిన్నంగా, మిస్టరీ, థ్రిల్, సైన్స్ వంటి అంశాలు అన్నిటిని కలిపి ఈ సినిమా ప్రేక్షకులకు సరికొత్త అనుభూతిని ఇవ్వడం ఖాయంగా కనిపిస్తోంది. పాత తరం నమ్మకాలకు, ఆధునిక సైన్స్‌కు మధ్య జరిగే ఈ సంఘర్షణ ఎలా ఉండబోతుందో చూడాలి అనుకుంటే. డిసెంబర్ 25 న క్రిస్మస్ వరకు ఆగాల్సిందే. ‘శంబాల’ ఆది సాయికుమార్ గట్టి కంబ్యాక్ మూవీ లాగా అనిపిస్తుంది.
