SJ Surya : దర్శకుడు SJ సూర్య తమిళ్ తో పాటు తెలుగులోనూ సినిమాలు చేశాడు. తెలుగులో పవన్ కళ్యాణ్ తో ఖుషి లాంటి పెద్ద హిట్ సినిమా తీసిన సూర్య మహేష్ కి మాత్రం నాని అనే ఫ్లాప్ ఇచ్చాడు. కొన్నేళ్ల నుంచి దర్శకుడిగా గ్యాప్ ఇచ్చి పూర్తి స్థాయి నటుడిగా సినిమాలు చేస్తున్నాడు. తాజాగా SJ సూర్య మెయిన్ లీడ్ లో తెరకెక్కిన వదంది సినిమా త్వరలో రిలీజ్ కానుంది. ఈ సినిమా ప్రమోషన్స్ లో భాగంగా తెలుగు మీడియాకి ఇచ్చిన ఇంటర్వ్యూలో సూర్య ఆసక్తికర వ్యాఖ్యలు చేశాడు.
SJ సూర్య ఇంటర్వ్యూలో మాట్లాడుతూ.. ”పవన్ కళ్యాణ్ గారికి ఖుషి సినిమా హిట్ ఇచ్చాను. కానీ మహేష్ గారితో చేసిన నాని సినిమా అంతగా ఆడలేదు. సినిమా రిజల్ట్ తర్వాత మహేష్ గారు నాతో.. మీరు సినిమాకి చాలా కష్టపడ్డారు. ఫలితం పక్కన పెడితే నాకు మీ వర్క్ నచ్చింది. మీరు ఈ సినిమాని చాలా ఇష్టపడి చేశారు, ఫలితాన్ని ఆలోచించకండి అన్నారు. ఆ మాటలకి నాకింకా బాధ వేసింది. మహేష్ గారికి హిట్ ఇవ్వలేకపోయాను అని బాధపడ్డాను.”
”ప్రస్తుతం నటుడిగా బిజీగా ఉన్నాను. నేను మళ్ళీ దర్శకత్వం మొదలుపెట్టినప్పుడు మొదట మహేష్ బాబుకే కథ చెప్తాను. ఎలా అయినా ఆయన్ని ఒప్పించి ఆయనకి హిట్ సినిమా ఇస్తాను” అని అన్నారు. SJ సూర్య మహేష్ స్పైడర్ సినిమాలో విలన్ గా నటించిన సంగతి తెలిసిందే.
