SSMB29: మ‌హేష్‌బాబు గ్లోబ్‌ట్రాట‌ర్ అప్‌డేట్స్ కోసం ఎదురుచూస్తున్న అభిమానుల‌కు రాజ‌మౌళి స‌డెన్‌ స‌ర్‌ప్రైజ్ ఇచ్చారు. ఎస్ఎస్ఎంబీ29 నుంచి పృథ్వీరాజ్ సుకుమార‌న్ ఫ‌స్ట్‌లుక్‌ను శుక్ర‌వారం (నేడు) రిలీజ్ చేయ‌బోతున్న‌ట్లు ప్ర‌క‌టించారు. యాక్ష‌న్ అడ్వెంచ‌ర్ థ్రిల్ల‌ర్‌గా రూపొందుతోన్న ఈ మూవీ షూటింగ్‌పై అప్‌డేట్‌ను ట్విట్ట‌ర్ ద్వారా రాజ‌మౌళి రివీల్ చేశారు.

మ‌హేష్‌బాబు, పృథ్వీరాజ్ సుకుమార‌న్‌, ప్రియాంక‌చోప్రాల‌పై క్లైమాక్స్ షూట్ జ‌రుగుతోన్న‌ట్లు వెల్ల‌డించారు. ఓ వైపు క్లైమాక్స్ షూట్‌.. మ‌రోవైపు గ్లోబ్‌ట్రాట‌ర్ ఈవెంట్ ప‌నులు జ‌రుగుతున్నాయి. ఇంత‌కుముందెన్న‌డూ చూడ‌ని విధంగా ఈ ఈవెంట్ ఉండ‌బోతుంది. న‌వంబ‌ర్ 15 కోసం నేను మీ అంద‌రితో పాటు నేను ఆస‌క్తిగా ఎదురుచూస్తున్నాను. ఈ వార‌మంతా హుషారుగా ఉండేందుకు నేడు పృథ్వీరాజ్ సుకుమార‌న్ లుక్‌ను విడుద‌ల చేయ‌బోతున్నాం అని రాజ‌మౌళి ట్వీట్ చేశారు. జ‌క్క‌న్న ట్వీట్‌తో అభిమానులు ఖుషి అవుతోన్నారు. ఈ యాక్ష‌న్ అడ్వెంచ‌ర్ మూవీలో పృథ్వీరాజ్ సుకుమార‌న్ విల‌న్‌గా న‌టించ‌నున్న‌ట్లు ప్ర‌చారం జ‌రుగుతోంది.

Also Read- Sankranthi 2026: జ‌న‌నాయ‌గ‌న్ వ‌ర్సెస్ రాజాసాబ్ – ర‌స‌వ‌త్త‌రంగా మారిన సంక్రాంతి పోరు

గ్లోబ్‌ట్రాట‌ర్ మూవీకి వార‌ణాసి అనే టైటిల్‌ను క‌న్ఫామ్ చేసిన‌ట్లు స‌మాచారం. న‌వంబ‌ర్ 15న రామోజీ ఫిల్మ్ సిటీలో టైటిల్‌, ఫ‌స్ట్‌లుక్ లాంఛ్ ఈవెంట్‌ను గ్రాండ్‌గా నిర్వ‌హించ‌బోతున్నారు. ఈ ఈవెంట్‌లో మూడు నిమిషాల నిడివితో కూడిన ఓ వీడియో ద్వారా మ‌హేష్ లుక్‌తో పాటు టైటిల్‌ను వెల్ల‌డించ‌నున్నార‌ట‌. ఈ ఈవెంట్‌తోనే ఎస్ఎస్ఎంబీ 29 ప్ర‌మోష‌న్స్‌ను అఫీషియ‌ల్‌గా మొద‌లుకాబోతున్నాయి. ఈ ఈవెంట్ జియో హాట్‌స్టార్‌లో స్ట్రీమింగ్ కాబోతుంది. లైవ్ స్ట్రీమింగ్ హ‌క్కులను ఫ్యాన్సీ రేటుకు జియో హాట్‌స్టార్ ద‌క్కించుకున్న‌ట్లు స‌మాచారం.

Amidst the climax shoot on set with all three, there’s a lot more prep happening around the #GlobeTrotter event, as we’re trying something far beyond what we’ve done before…

Can’t wait for you all to experience it on Nov 15th. Leading up to it, we’re filling your week with a…

— rajamouli ss (@ssrajamouli) November 7, 2025

గ్లోబ్‌ట్రాట‌ర్ మూవీలో ప్రియాంక చోప్రా హీరోయిన్‌గా న‌టిస్తోంది. ఈ మూవీతోనే టాలీవుడ్‌లోకి ఎంట్రీ ఇవ్వ‌బోతుంది. దాదాపు వెయ్యి కోట్ల బ‌డ్జెట్‌తో మ‌హేష్‌బాబు, రాజ‌మౌళి మూవీ రూపొంద‌నున్న‌ట్లు ప్ర‌చారం జ‌రుగుతోంది. ఎస్ఎస్ఎంబీ29 మూవీతో పాన్ వ‌ర‌ల్డ్ లీగ్‌లోకి మ‌హేష్‌బాబు ఎంట్రీ ఇవ్వ‌బోతున్నాడు. భార‌తీయ భాష‌ల‌తో పాటు ఫారిన్ లాంగ్వేజెస్‌లో విడుద‌ల‌కాబోతుంది. 2027లో ఈ సినిమా విడుద‌ల‌కాబోతున్న‌ట్లు ప్ర‌చారం జ‌రుగుతోంది.

Also Read- Chinmayi Sripada: చిన్మ‌యిపై అస‌భ్య‌క‌ర కామెంట్స్ – సీపీ స‌జ్జ‌నార్‌కు కంప్లైంట్ ఇచ్చిన‌ సింగ‌ర్‌