హిట్లు లేక, సక్సెస్ రాక హీరో సుధీర్ బాబు బాగా శ్రమిస్తున్నాడు. సుధీర్ చాలా ఫాస్ట్ గా మేకోవర్ మార్చుతున్నారు, రఫ్ లుక్, చాక్లెట్ బాయ్ లుక్, ఆఖరుకి సిక్స్ ప్యాక్ విలన్ గా రగ్డ్ గా కనిపించినా పాపం హిట్ మాత్రం దక్కలేదు. దీంతో సుధీర్ బాబు చివరికి సోలోగానే కాకుండా మల్టీ స్టారర్ కూడా ట్రై చేసి అనుకున్న రిజల్ట్ దక్కక కొత్త జోనర్ లో సత్తా చాటి, హిట్ కొట్టే పనిలో ఉన్నారు.
లేటెస్ట్ గా హరోం హర అంటూ కొత్త సినిమాతో తెలుగువారిని ఎంటర్ టైన్ చేసి, తన లక్ టెస్ట్ చేసుకుంటున్నారు ఈ ఫిట్ హీరో. ‘హరోం హర’ జూన్ 14న ప్రపంచవ్యాప్తంగా గ్రాండ్ గా విడుదల కానుంది.
సుధీర్ బాబు మోస్ట్ ఎవైటెడ్ మూవీ ‘హరోం హర’ ప్రమోషన్స్ జోరందుకున్నాయి. ఆకట్టుకునే పాటలు, ఆసక్తిని రేకెత్తించే టీజర్, ప్రోమోలకు అద్భుతమైన స్పందనతో, సినిమాపై హ్యుజ్ హైప్ క్రియేట్ చేశాయి. సుధీర్ బాబు పుట్టినరోజు సందర్భంగా విడుదల చేసిన మురుగన్ పాట, సునీల్‌తో అతని స్నేహాన్ని చూపించడం కూడా విశేషంగా ఆకట్టుకుంది. తాజాగా మేకర్స్ కొత్త విడుదల తేదీని అనౌన్స్ చేశారు.
ముందుగా మే 31న రిలీజ్ ప్లాన్ చేసిన ఈ సినిమా జూన్ 14కి షిఫ్ట్ చేశారు. చేతిలో తుపాకీతో ఉన్న సుధీర్ బాబు బ్రాండ్ న్యూ పవర్ ఫుల్ పోస్టర్ ద్వారా ఈ వార్తను మేకర్స్ అధికారికంగా అనౌన్స్ చేశారు. ప్రస్తుతం ఈ పోస్టర్ సోషల్ మీడియాలో వైరల్ అవుతోంది. జూన్ 14న నోటెడ్ సినిమా ఏదీ రానందున, హరోం హర సోలోగా విడుదల కానుంది.
ఇంటెన్స్ యాక్షన్ థ్రిల్లర్ గా తెరకెక్కుతున్న ఈ చిత్రానికి సెహరి ఫేమ్ జ్ఞానసాగర్ ద్వారక దర్శకత్వం వహిస్తున్నారు. మాళవిక శర్మ కథానాయికగా నటిస్తుండగా ఎస్‌ఎస్‌సి (శ్రీ సుబ్రహ్మణ్యేశ్వర సినిమాస్) బ్యానర్‌పై సుమంత్ జి నాయుడు నిర్మించిన ఈ చిత్రం చిత్తూరు జిల్లా కుప్పం నేపథ్యంలో 1989లో జరిగిన పీరియాడికల్ ఫిల్మ్.