ప్రముఖ తమిళ నటుడు ఢిల్లీ గణేష్ (Delhi Ganesh) కన్నుమూశారు. 80 ఏళ్ల వయసున్న ఆయన.. కొంతకాలంగా వయసు రీత్యా ఆరోగ్య సమస్యలతో బాధపడుతున్నారు. ఈ క్రమంలో శనివారం అర్ధరాత్రి 11:30 గంటల సమయంలో తుదిశ్వాస విడిచారు. సోమవారం ఆయన అంత్యక్రియలు జరుపనున్నట్టు కుటుంబ సభ్యులు వెల్లడించారు.
- Advertisement -
400కు పైగా సినిమాల్లో నటించిన ఆయన.. తెలుగు ప్రేక్షకులకు కూడా సుపరిచితుడే. ఇటీవల విడుదలైన ఇండియన్ 2, కాంచన, అభిమన్యుడు వంటి సినిమాల ద్వారా తెలుగు ప్రేక్షకులనూ అలరించారు. ఢిల్లీ గణేష్ (Delhi Ganesh) మృతి పట్ల తమిళ తెలుగు సినీ ప్రముఖులు సంతాపం వ్యక్తం చేస్తున్నారు. ఆయన ఆత్మకు శాంతి చేకూరాలని కోరుతూ… కుటుంబ సభ్యులకు ప్రగాఢ సానుభూతి ప్రకటిస్తున్నారు.