నాగ చైతన్య(Naga Chaitanya), సాయి పల్లవి(Sai Pallavi) నటించిన సినిమా ‘తండేల్’ (Thandel). ఈ మూవీ నుంచి ఇప్పటికే విడుదలైన ‘బుజ్జి తల్లి’, ‘నమో నమః శివాయ’, ‘హైలెస్సో హైలెస్సా’ అంటూ సాగే పాటలకు మంచి రెస్పాన్స్ వచ్చింది. రాక్‌స్టార్ దేవిశ్రీ ప్రసాద్ సంగీతం అందించిన పాటలు యూత్‌కు బాగా కనెక్ట్ అయ్యాయి. తాజాగా ఈ సినిమా ట్రైలర్ రిలీజ్ డేట్‌ను మేకర్స్ ప్రకటించారు. జనవరి 28న విడుదల చేయనున్నట్లు ఓ పోస్టర్ విడుదల చేశారు. ఈ పోస్టర్‌లో చైతన్య రగ్గుడ్ లుక్‌లో ఉన్నాడు.
ఇక ఈ సినిమాను ప్రముఖ నిర్మాణ సంస్థ గీతా ఆర్ట్స్ భారీ బడ్జెట్‌తో నిర్మించింది. కాగా శ్రీకాకుళం మత్స్యకారుల జీవితం నేపథ్యంలో ఈ సినిమా తెరకెక్కుతోంది. ఇప్పటికే విడుదలైన పోస్టర్లు, గ్లింప్స్, పాటలు సినిమాపై అంచనాలు పెంచేలా చేశాయి. మరి ఈ సినిమాతోనైనా చైతూ హిట్ అందుకోవడంతో పాటు పాన్ ఇండియా హీరోల లిస్టులో చేరతాడో లేదో వేచి చూడాలి.
