తన ప్రతిష్టాత్మక ప్రాజెక్ట్ ‘తండేల్’ నుంచి అదిరిపోయే ఫోటోని సోషల్ మీడియాలో రిలీజ్ చేశారు నాగ చైతన్య. ఈ మాస్ లుక్ తో అక్కినేని ఫ్యాన్స్ కు క్రేజీ అప్డేట్ ఇచ్చారు చై. నాగచైతన్యతో తండేల్ లో ఆన్ స్క్రీన్ రొమాన్స్ చేస్తున్న సాయి పల్లవి ఈ సినిమాలో మరింత అందంగా కనిపిస్తుందని ఇప్పటికే యూనిట్ టాక్. చై-సాయిపల్లవి హిట్ పెయిర్ గా తండేల్ తో మరోమారు రుజువు కావటం ఖాయమని అప్పుడే సాయిపల్లవి, చైతు ఫ్యాన్స్ గట్టిగా చెబుతున్నారు. ఇప్పటికే వీళ్లిద్దరు క్రేజీ కాంబినేషన్ గా ప్రూవ్ చేసుకున్నారు కూడా. లవ్ స్టోరీతో వీళ్లద్దరూ లవ్లీ ఆన్ స్క్రీన్ కపుల్ గా మారారు.
నాగ చైతన్య, సాయి పల్లవి జంటగా చందూ మొండేటి దర్శకత్వంలో రూపొందుతున్న మోస్ట్ ఎవైటెడ్ మూవీ ‘తండేల్’. గీతా ఆర్ట్స్ బ్యానర్‌పై అల్లు అరవింద్ సమర్పణలో అత్యంత భారీ బడ్జెట్‌తో బన్నీ వాసు ఈ చిత్రాన్ని నిర్మిస్తున్నారు.
తాజాగా హీరో నాగ చైతన్య సినిమాలోని ఒక ఫోటోని సోషల్ మీడియాలో షేర్ చేశారు. ఈ ఫోటోలో నాగ చైతన్య పల్లెటూరి గెటప్‌లో కనిపిస్తున్నారు. చొక్కా , నల్ల ప్యాంటు ధరించి, మెడలో రెడ్ టవల్ తో మ్యాసీ హెయిర్, గుబురు గడ్డం, చేతిలో తాడుతో పడవలో నిలబడి, ఆకట్టుకునే చిరునవ్వుతో మెరుస్తూ కనిపించారు నాగచైతన్య. ప్రస్తుతం ఈ పోస్టర్ సోషల్ మీడియా ట్రెండ్ అవుతోంది.
తండేల్ లో మత్స్యకారుడి పాత్ర కోసం నాగచైతన్య ఇంటెన్స్ ట్రైనింగ్ తీసుకొని కంప్లీట్ గా మేకోవర్ అయ్యారు. తన యాసపై ప్రత్యేక శిక్షణ తీసుకున్నారు. ఈ సినిమాలో శ్రీకాకుళం స్లాంగ్‌లో డైలాగులు చెప్పనున్నారు నాగచైతన్య.
ఈ చిత్రానికి రాక్‌స్టార్ దేవి శ్రీ ప్రసాద్ సంగీతం అందిస్తుండగా, షామ్‌దత్ డీవోపీగా పని చేస్తున్నారు. శ్రీనాగేంద్ర తంగాల ఆర్ట్ డైరెక్టర్.