నటసింహం బాలకృష్ణ(Balakrishna) నటించిన ‘డాకు మహారాజ్’(Daaku Maharaaj)సినిమా పాజిటివ్ టాక్‌తో దూసుకెళ్తోంది. సినిమాలో బాలయ్య డైలాగ్స్, యాక్షన్ సీక్వెన్స్, థమన్ బీజీఎం గూస్ బంప్స్ తెప్పిస్తున్నాయి. దీంతో మూవీ చూసేందుకు ప్రేక్షకులు క్యూ కడుతున్నారు. ఈ నేపథ్యంలో టికెట్లు హాట్ కేకుల్లా అమ్ముడుపోతున్నాయి. సినిమాకు బ్లాక్ బస్టర్ టాక్ వచ్చిన నేపథ్యంలో మూవీ యూనిట్ సక్సెస్ పార్టీ నిర్వహించింది. ఈ పార్టీలో బాల‌య్య‌తో పాటు టాలీవుడ్‌ యంగ్ హీరోలు సిద్ధూ జొన్న‌ల‌గ‌డ్డ, విశ్వక్ సేన్ సంద‌డి చేశారు.
ఈ సందర్భంగా తీసుకున్న సెల్ఫీ వీడియోను విశ్వక్ సేన్ ‘ఎక్స్’ వేదికగా పోస్ట్ చేశారు. ఇందులో సిద్ధూ, విశ్వక్ చెంప‌ల‌పై బాలయ్య ముద్దులు పెట్టారు. ఈ వీడియో ఇప్పుడు సోష‌ల్ మీడియాలో వైర‌ల్ అవుతోంది. ఈ ఇద్దరు హీరోలకు బాలకృష్ణ అంటే చాలా ఇష్టమని అభిమానులు కామెంట్స్ చేస్తున్నాయి.
