War 2 : అయాన్ ముఖర్జీ డైరెక్షన్‌లో హృతిక్ రోషన్, జూనియర్ ఎన్టీఆర్ కలిసి నటించిన ‘వార్ 2’ సినిమా ఇండిపెండెన్స్ డే సందర్భంగా ఆగస్ట్ 14న వరల్డ్ వైడ్ రిలీజైంది. యశ్ రాజ్ ఫిలింస్ బ్యానర్‌పై ఆదిత్య చోప్రా నిర్మించిన ఈ స్పై థ్రిల్లర్‌లో కియారా అద్వానీ హీరోయిన్‌గా నటించగా, అనిల్ కపూర్, అశుతోష్ రాణా వంటి స్టార్లు కీలక పాత్రలు పోషించారు. ఇండియా, స్పెయిన్, దుబాయ్ లాంటి లొకేషన్లలో షూటింగ్ జరిగిన ఈ మూవీ బడ్జెట్ సుమారు 400 కోట్లు. ప్రీ-రిలీజ్ బిజినెస్ 340 కోట్లు చేసింది, బ్రేక్ ఈవెన్ కోసం 350 కోట్ల షేర్, 700 కోట్ల గ్రాస్ అవసరం.
ALSO READ : Annapurna Studios Turns 50: అన్నపూర్ణకు స్వర్ణోత్సవం.. ఆనాటి శంకుస్థాపన చిత్రంలో ఉన్న చిన్నోడు ఎవరో తెలుసా?
ట్రైలర్, టీజర్‌తో భారీ హైప్ క్రియేట్ అయిన వార్ 2కి అడ్వాన్స్ బుకింగ్స్ బాగానే జరిగాయి. ఇండియాలో 25 కోట్లు, ఓవర్సీస్‌లో 12 కోట్లు అడ్వాన్స్ వచ్చాయి. కానీ రిలీజ్ రోజు రజినీకాంత్ ‘కూలీ’తో పోటీ పడటంతో కలెక్షన్లు కాస్త తగ్గాయి. సాక్‌నిక్ ప్రకారం, ఫస్ట్ డే ఇండియా నెట్ కలెక్షన్ 28.65 కోట్లు. హిందీలో 17% ఆక్యూపెన్సీతో 21-25 కోట్లు, తెలుగులో 75% ఆక్యూపెన్సీతో 25 కోట్లు, తమిళంలో 28%తో 5-7 కోట్లు వచ్చాయి. ఓవర్సీస్‌లో 20 కోట్లు రావచ్చు. మొత్తం వరల్డ్ వైడ్ గ్రాస్ 90-100 కోట్ల మధ్య ఉండవచ్చు.
మిక్స్డ్ రివ్యూలు వచ్చినా, ఎన్టీఆర్ ఫ్యాన్స్ దక్షిణాదిలో బలంగా సపోర్ట్ చేశారు. యూఎస్‌లో ప్రీమియర్స్ 6 లక్షల డాలర్లు వసూలు చేశాయి. కానీ కూలీ 35 కోట్లు+ చేసి ముందంజలో ఉంది. వార్ 2 రేపటి నుంచి పికప్ అవుతుందని ట్రేడ్ అంచనా. ఇండిపెండెన్స్ డే వీకెండ్‌తో లాభాల్లోకి వచ్చే అవకాశం ఉంది. మీరు సినిమా చూశారా? ఎలా ఉంది?
