విద్యార్థులే వంటవాళ్లై వండి పెట్టడం కంగ్టిలో జరిగింది. పెన్ను పట్టుకోవల్సిన చేతులు వంట వార్పుల్లో మునిగిపోయేలా చేసింది. కంగ్టి మండల కేంద్రంలో గ్రామ నడిబొడ్డులో ఉన్నటువంటి జిల్లా పరిషత్ ఉన్నత పాఠశాలలో విద్యార్థుల కొరకు మధ్యాహ్న భోజనముకై సిద్ధం చేయాల్సిన వంటవాళ్లు తమ పనిని పక్కనపెట్టి తాము చేయవలసిన పనిని విద్యార్థులచే చేపిస్తున్నరని విద్యార్థుల తల్లితండ్రులు ఆరోపిస్తున్నారు. విద్యార్థులకు విద్యను బోధిస్తారు అనుకుంటే మా పిల్లలకు కూరగాయలు తరగడం నేర్పిస్తున్నారని విద్యార్థుల తల్లిదండ్రులు ఆవేదన వ్యక్తం చేశారు. నాలుగక్షరాలు నేర్చుకుంటారని భవిష్యత్తులో ఏదో సాధిస్తారని పిల్లలను బడికి పంపితే ఇక్కడ జరుగుతున్నదిది అంటూ ఆవేదన వ్యక్తం చేస్తున్నారు.
ఇప్పటికైనా పై అధికారులు స్పందించి పిల్లలకు చదువు చెప్పి, వేళకు తిండిపెట్టేలా జాగ్రత్త చేయాలని తల్లిదండ్రులు ఫిర్యాదులు చేస్తున్నారు.
