Man Shoots Himself After Killing Wife: ఉత్తరప్రదేశ్‌లోని ఫతేపూర్ జిల్లాలో దారుణమైన ఘటన చోటుచేసుకుంది. అక్రమ సంబంధం ఉందనే అనుమానంతో ఒక వ్యక్తి తన భార్యను కాల్చి చంపి, ఆ తర్వాత అదే తుపాకీతో కాల్చుకుని ఆత్మహత్య చేసుకున్నాడు. ఈ ఘటన ఆదివారం వెలుగులోకి వచ్చింది. మృతులను ముఖేష్ నిషాద్ (32), అతని భార్య గుడియా దేవి (26) గా గుర్తించారు.

ALSO READ: Man Strangles Mother: తల్లిని ఉరివేసి హత్య చేసి, ఆత్మహత్యగా చిత్రీకరించాలని చూసిన కొడుకు అరెస్ట్

ఢిల్లీలో పనిచేసే ముఖేష్ నిషాద్ వారం రోజుల క్రితం తన స్వగ్రామానికి తిరిగి వచ్చాడు. అప్పుడే తన భార్య గుడియా దేవికి పొరుగింటి వ్యక్తితో అక్రమ సంబంధం ఉందనే విషయం తెలుసుకున్నాడు. దీంతో అప్పటి నుంచి ఆ దంపతుల మధ్య తరచూ గొడవలు జరుగుతున్నాయని పోలీసులు తెలిపారు.

ఘటన జరిగిన తీరు

శనివారం రాత్రి, వారిద్దరి మధ్య మాటమాట పెరిగి తీవ్ర వాగ్వాదానికి దారితీసింది. కోపోద్రిక్తుడైన ముఖేష్, తన వద్ద ఉన్న నాటు తుపాకీ (country-made pistol) తో భార్య గుడియా దేవి మెడపై కాల్చాడు. ఆ తర్వాత అదే తుపాకీని ఉపయోగించి తనను తాను కాల్చుకుని ఆత్మహత్య చేసుకున్నాడు.

ALSO READ: Wedding Fund Theft: పెళ్లి ఖర్చుల కోసం చోరీ.. బంధువు ఇంట్లో రూ. 47 లక్షల బంగారం, నగదు మాయం

పక్క గదిలో నిద్రిస్తున్న వారి ముగ్గురు చిన్న కూతుళ్లు, తల్లిదండ్రులు తుపాకీ శబ్దం విని మేల్కొని అరిచారు. అరుపులు విని గ్రామస్తులు సంఘటనా స్థలానికి చేరుకోగా, దంపతులిద్దరూ రక్తపు మడుగులో పడి ఉన్నారు. వెంటనే పోలీసులకు సమాచారం అందించారు.

ఘటనా స్థలం నుంచి ఒక నాటు తుపాకీని స్వాధీనం చేసుకున్నామని, మృతదేహాలను పోస్టుమార్టం నిమిత్తం పంపామని అదనపు ఎస్పీ మహేంద్ర పాల్ సింగ్ తెలిపారు. స్థానికుల సమాచారం మేరకు, గుడియా దేవి అక్రమ సంబంధం గురించి గ్రామంలో పుకార్లు రావడంతో ముఖేష్ తీవ్ర మనస్తాపానికి గురైనట్లు తెలుస్తోంది. పోలీసులు కేసు నమోదు చేసి దర్యాప్తు ప్రారంభించారు.

ALSO READ: Bidi Murder: ‘బీడీ ఇవ్వలేదనే’ గొడవతో హత్య.. ‘బ్లైండ్ మర్డర్’ మిస్టరీ ఛేదించిన పోలీసులు