మండల పరిధిలోని వెంకటాపురం గ్రామంలో గల అతి పురాతనమైన ఎంతో మహిమాన్వితమైన చాలా పవిత్రమైన పుణ్యక్షేత్రం శ్రీ మత్స్యగిరి క్షేత్రం. ఈ క్షేతంలో శ్రీ నృసింహ జయంతి సందర్భంగా దేవస్థానంలో స్వయంభూ మత్స్యగిరి లక్ష్మీ నరసింహస్వామి కి 108 కళాశాలతో పంచామృతాలతో, సుగంధ ద్రవ్యాలతో అభిషేక కార్యక్రమము, అలాగే అంగరంగ వైభవంగా శ్రీ భూ, సమేత లక్ష్మీ నరసింహస్వామి వారికి కళ్యాణోత్సవం, ఆ తరువాత భక్తజన సందోహముతో శ్రీ మత్స్యగిరి స్వయంభూ స్వామివారికి లక్ష పుష్పార్చన,అశేష భక్తవాహిని తో భజనలతో, స్వామివారి నామ సంకీర్తనలతో శ్రీ లక్ష్మీ నరసింహస్వామి వారి పల్లకీ సేవ జరిగింది.
శివానందలహరి భక్తబృందం (తొర్రూరు) వారిచే సామూహిక శ్రీ విష్ణు సహస్రనామ స్తోత్ర పారాయణం శ్రీ నృసింహ స్వామి స్తోత్ర పారాయణాదులు చేశారు. భక్తులందరికీ అన్నదాన కార్యక్రమం నిర్వహించారు. ఈ కార్యక్రమంలో ఆలయ కార్యనిర్వహణాధికారి సల్వాది. మోహన్ బాబు, ఆలయ అర్చకులు, సిబ్బంది, భక్తులు అధిక సంఖ్యలో పాల్గొన్నారు.