Health Benifits of Cherry Fruits: ఆరోగ్యవంతమైన జీవితానికి కూరగాయలతో పాటు పండ్లు ఎంతో దోహదం చేస్తాయి. ముఖ్యంగా పండ్లలో ఉండే అనేక పోషకాలు శరీరానికి మేలు చేస్తాయి. అందుకే, అనారోగ్య సమస్యతో ఆసుపత్రిలో చేరిన వా రికి పండ్లు తీసుకెళ్తుంటాం. పండ్లలోని పోషకాలు రోగాలను నయం చేసే లక్షణాలను కలిగి ఉంటాయి. చెర్రీ పండ్లతో కలిగే లాభాలేంటో తెలుసుకుందాం.
ప్రతిరోజు పండ్లను తీసుకోవడంతో ఆరోగ్యంతో పాటు ఉత్సాహాంగా ఉంటారు. అయితే, ఈ చలికాలంలో చెర్లీ పండ్లను మీ ఆహారంలో చేర్చుకోవడంతో ఎన్నో హెల్త్ బెనిపిట్స్ ఉన్నాయంటున్నారు ఆరోగ్య నిపుణులు. అవేంటో ఇప్పుడు తెలుసుకుందాం.ఆరోగ్యవంతమైన జీవనం కోసం పండ్లు తినడం చాలా మంచిదని డాక్టర్లు, న్యూట్రిషియన్లు చెబుతుంటారు. చెర్రీ పండ్లను తినడంతో ఎన్నో రకాల ప్రయోజనాలు ఉన్నాయంటున్నారు. చెర్రీ పండ్లు తినేందుకు పుల్ల పుల్లగా, తియ్యగా ఉంటాయి.చెర్రీ పండ్లలో ఫైబర్, విటమిన్ సీ, పొటాషియం, యాంటీ ఆక్సిడెంట్లు ఎక్కువ మొత్తంలో ఉంటాయి. రోజు ఒక కప్పు చెర్రీ పండ్లను తీసుకోవడంతో రోగ నిరోధక శక్తి పెరిగి.. రోజంతా ఉత్సాహంగా ఉంటారని ఆరోగ్య నిపుణులు చెబుతున్నారు.ఆర్థరైటిస్, గౌట్ సమస్యలతో బాధపడే వారు ఈ చెర్రీ పళ్లను తినడం వలన కీళ్ల నొప్పులు, వాపులు నుంచి ఉపశమనం కలుగుతుందని డాక్టర్లు సలహా ఇస్తున్నారు. చెర్రి పండ్లను తినడం ద్వారా పోష‌కాహార లోపం స‌మ‌స్య దూరమవుతుందంటున్నారు. రాత్రి పూట నిద్ర‌లో కాళ్లు తిమ్మిర్లు, కాళ్లు పట్టుకుపోయే స‌మ‌స్య ఉన్న‌వారు ఈ పండ్లను తీసుకోవాలని సూచిస్తున్నారు.ఈ చెర్రీ పండ్లు గుండెపోటు సమస్యలకు కూడా చెక్‌ పెడుతుంది. అలాగే, చెర్రీ పండ్లు తినడం ద్వారా శ‌రీరంలో అధికంగా ఉండే సోడియం బ‌య‌ట‌కు వెళ్లిపోతుందని వైద్యులు చెబుతున్నారు. చెర్రీ పండ్లను క్రమం తప్పకుండా తీసుకోవడం ద్వారా కిడ్నీలు ఆరోగ్యంగా ఉంటాయని..నిద్ర‌ను ప్రేరేపించే హార్మోన్‌ ఉత్పత్తి అవుతాయని వైద్యులు చెబుతున్నారు. దీని వ‌ల్ల ఒత్తిడి, ఆందోళ‌న, నిద్ర‌లేమి సమస్యకు చెక్‌ పెట్టవచ్చని నిపుణులు సూచిస్తున్నారు.
