Coriander Leaves Water Benefits: ప్రతిరోజు వంటకాల్లో ఆహార రుచిని పెంచడానికి కొత్తిమీర ఆకులను ఉపయోగిస్తాం. అయితే మీకు తెలుసా..? కొత్తిమీర ఆకు నీరు కూడా మన ఆరోగ్యానికి ఎంత ప్రయోజనకరంగా ఉంటుందని! అవును, ఈ చిన్న ఆకు ఔషధ గుణాల నిధి! ప్రతిరోజు రాత్రి ఒక నెల పాటు నిద్రపోయే ముందు కొత్తిమీర ఆకుల నీటిని తాగితే మీరు అనేక ఆరోగ్య సమస్యల నుండి బయటపడవచ్చు. అయితే ఇప్పుడు కొత్తిమీర ఆకుల నీటిని తాగడం వల్ల కలిగే 5 గొప్ప ప్రయోజనాలను తెలుసుకుందాం
1. కొత్తిమీర ఆకుల నీరు జీర్ణవ్యవస్థకు ఎంతో మేలు చేస్తుంది. ఇందులో ఉండే ఫైబర్, యాంటీఆక్సిడెంట్లు జీర్ణక్రియను మెరుగుపరుస్తాయి. అంతేకాకుండా ఈ డ్రింక్ గ్యాస్, మలబద్ధకం, ఉబ్బరం, ఆమ్లత్వం వంటి సమస్యల నుండి తక్షణ ఉపశమనాన్ని అందిస్తుంది. ఇది కడుపు సంబంధిత సమస్యలు ను కూడా దూరం చేస్తుంది.
2. కొత్తిమీర ఆకులు అద్భుతమైన సహజ నిర్విషీకరణ కారకం. దీని నీరు శరీరం నుండి విష పదార్థాలను బయటకు పంపడంలో ఎంతో సహాయపడుతుంది. అంతేకాకుండా ఈ నీరు మూత్రపిండాల పనితీరును కూడా మెరుగుపరుస్తుంది. ఈ పానీయం శరీరం నుండి అదనపు ఉప్పు, నీటిని సులభంగా తొలగిస్తుంది. క్రమం తప్పకుండా ఈ నీటిని తీసుకోవడం వల్ల మూత్రపిండాలు ఆరోగ్యంగా ఉంటాయి.
Also Read: Vitamin B12 Deficiency: మీకు అల‌స‌ట, ఆక‌లి లేక‌పోవ‌డం వంటి స‌మ‌స్య‌లున్నాయా?
3. ప్రతి ఒక్కరూ అందమైన చర్మం, బలమైన జుట్టును కోరుకుంటారు. అలాంటి వారు ఈ డ్రింక్ ని తాగాల. ఎందుకంటే ఇందులో ఉండే విటమిన్ ఎ, సి, యాంటీఆక్సిడెంట్లు పుష్కలంగా ఉంటాయి. ఇవి చర్మాన్ని ఫ్రీ రాడికల్స్ వల్ల కలిగే నష్టం నుండి రక్షిస్తాయి. అంతేకాకుండా ఈ నీరు మొటిమలు, మచ్చలు, ముడతలను సైతం తగ్గిస్తుంది. ఇదే సమయంలో ఇది జుట్టు మూలాలను బలోపేతం చేస్తుంది.
4. ఇటీవలి కాలంలో మధుమేహం ఒక సాధారణ సమస్యగా మారింది. అయితే, ఇది మధుమేహ రోగులకు సహజమైన, ప్రభావవంతమైన నివారణ అవుతుంది. ఎందుకంటే ఈ నీరు రక్తంలో చక్కెర స్థాయిని నియంత్రించడంలో ఎంతో సహాయపడుతుంది. తద్వారా షుగర్ అదుపులో ఉంటుంది. అంతేకాకుండా ఇది ఇన్సులిన్ సున్నితత్వాన్ని మెరుగుపరుస్తుంది. ఇది శరీరంలో చక్కెర స్థాయిని సమతుల్యంగా ఉంచుతుంది.
5. కొత్తిమీర ఆకులలో విటమిన్ సి పుష్కలంగా ఉంటుంది. ఇది మన రోగనిరోధక శక్తిని బలోపేతం చేస్తుంది. రాత్రిపూట కొత్తిమీర ఆకు నీరు తాగడం వల్ల శరీర వ్యాధులతో పోరాడే సామర్థ్యం పెరుగుతుంది. ఇది జలుబు, ఫ్లూ, ఇతర ఇన్ఫెక్షన్ల నుండి రక్షిస్తుంది.
కొత్తిమీర నీటిని ఎలా తయారు చేయాలి?
రాత్రిపూట కొద్దిగా తాజా కొత్తిమీర ఆకులను తీసుకొని బాగా కడిగి ఒక గ్లాసు నీటిలో వేయాలి. ఉదయాన్నే ఈ నీటిని వడకట్టి తాగాలి. కావాలంటే, ఈ ఆకులను తేలికగా మెత్తగా చేసి నీటిలో బాగా మిక్స్ అయ్యేలా కలిపి తాగొచ్చు.
