Bharat-Putin:రష్యా అధ్యక్షుడు వ్లాదిమిర్ పుతిన్ ఈ ఏడాది డిసెంబర్ నెలలో భారత్ పర్యటనకు రానున్నారని క్రెమ్లిన్ అధికారికంగా ప్రకటించింది. ఇంకా పర్యటన తేదీలు ఇంకా ఖరారు కాలేదు కానీ రాబోయే వారాల్లో ఇరువైపులా చర్చల తరువాత స్పష్టత వచ్చే అవకాశం ఉంది. ఈ విషయాన్ని జాతీయ భద్రతా సలహాదారు అజిత్ దోవల్ కూడా ధృవీకరించారు. ఆయన రష్యా పర్యటనలో ఉన్న సమయంలో ఈ అంశాన్ని అధికారికంగా తెలియజేశారు.

రష్యా నుంచి చమురు దిగుమతులు..

పుతిన్ పర్యటనలో ప్రధాన అంశాలుగా రష్యా నుంచి చమురు దిగుమతులు, అమెరికా భారత్‌పై విధించిన సుంకాలు, అలాగే రెండు దేశాల మధ్య వ్యూహాత్మక భాగస్వామ్యం బలపడటం చర్చలో నిలిచే అవకాశముంది. గత కొన్నేళ్లుగా భారత్ తన ఇంధన అవసరాల కోసం రష్యాపై అధికంగా ఆధారపడుతోంది. రష్యా నుంచి సరఫరా అవుతున్న ముడి చమురు భారత్‌కు ప్రధాన వనరుగా మారింది. ఈ కారణంగానే అమెరికా పలు సందర్భాల్లో అసంతృప్తి వ్యక్తం చేస్తూ అదనపు సుంకాలు విధించింది. ఈ నేపథ్యమే పుతిన్ పర్యటనకు మరింత ప్రాధాన్యతను కల్పిస్తోంది.

పుతిన్ భారత్ పర్యటన..

జాతీయ భద్రతా సలహాదారు అజిత్ దోవల్ తాజాగా రష్యా వెళ్లి అక్కడి నేతలతో సమావేశమయ్యారు. ఈ సందర్శనలోనే ఆయన పుతిన్ భారత్ పర్యటనకు సంబంధించిన వివరాలను బయటపెట్టారు. తేదీలు ఇంకా ఖరారు కాలేదని ఆయన పేర్కొన్నారు. అయితే పర్యటన డిసెంబర్‌లోనే జరిగే అవకాశం ఎక్కువగా ఉందని అధికారులు భావిస్తున్నారు.

అమెరికా–భారత్ సంబంధాలు..

అమెరికా–భారత్ సంబంధాలు ప్రస్తుతం కొన్ని అంశాల్లో ఉద్రిక్తతలకు గురవుతున్నాయి. అమెరికా అధ్యక్షుడు డొనాల్డ్ ట్రంప్ భారత్‌పై అదనపు సుంకాలు విధించడం ఇందుకు ప్రధాన కారణమైంది. మరోవైపు భారత్ తన ఇంధన అవసరాల కోసం రష్యాతో వాణిజ్య సంబంధాలను కొనసాగించడం అమెరికాకు అభ్యంతరకరంగా మారింది. ఈ పరిస్థితుల్లో పుతిన్ పర్యటనతో భారత్–రష్యా మధ్య సంబంధాలు మరింత బలపడే అవకాశం ఉంది.

భారత్–రష్యా సంబంధాలు..

భారత్–రష్యా సంబంధాలు చారిత్రకంగా ఎప్పుడూ స్నేహపూర్వకంగానే కొనసాగాయి. రక్షణ రంగంలో ఇరు దేశాలు దశాబ్దాలుగా దగ్గరగా పనిచేస్తున్నాయి. భారత్‌కి అందుతున్న ఆధునిక ఆయుధ వ్యవస్థల్లో రష్యా పాత్ర ప్రధానమైంది. అంతరిక్ష పరిశోధన రంగంలో కూడా రష్యా సహకారం చాలా కాలంగా కొనసాగుతోంది. అదే విధంగా అణుశక్తి ఉత్పత్తి రంగంలో కూడా రష్యా నుండి సహాయం అందుతోంది. ఈ సహకారాన్ని మరింత విస్తరించేందుకు పుతిన్ పర్యటన దోహదపడనుందని నిపుణులు విశ్లేషిస్తున్నారు.

Also Read: https://teluguprabha.net/international-news/ukraine-spy-ship-destroyed-in-russian-drone-attack/

రక్షణ రంగం పక్కన ఇంధన సరఫరా కూడా ఈ పర్యటనలో ముఖ్యమైన చర్చాంశంగా నిలుస్తుంది. రష్యా నుండి ముడి చమురు దిగుమతులు పెరగడంతో భారత్ తన ఇంధన భద్రతను కాపాడుకోవడమే కాకుండా తక్కువ ధరల్లో సరఫరా పొందుతోంది. ఈ పరిస్థితిని అమెరికా ఎప్పటికప్పుడు ప్రశ్నిస్తూనే ఉంది. అయినప్పటికీ భారత్ తన అవసరాలు దృష్టిలో ఉంచుకొని రష్యా సహకారాన్ని కొనసాగిస్తోంది.