Health Benefits Of Using Avocado: అవకాడో ఒక పోషకరమైన పండు. దీని తరచుగా సలాడ్స్‌, స్మూతీలో లేదా నేరుగా తింటారు. ఇది ఆరోగ్యానికి చాలా మంచిది. అవకాడోలో ఆరోగ్యకరమైన కొవ్వు, ఫైబర్‌, విటమిన్‌లు ఉంటాయి. ముఖ్యంగా ఇందులో విటమిన్ కె, సి, బి పుష్కలంగా లభిస్తాయి. దీంతో పాటు పొటాషియం, ఐరన్‌, ఫాస్ఫరస్‌, కాల్షియం ఎక్కువగా ఉంటాయి. అయితే ప్రతిరోజు ఒక అవకాడో తినడం వల్ల శరీరానికి ఎలాంటి లాభాలు కలుగుతాయి? అనే విషయాలు తెలుసుకుందాం.
అవకాడో వల్ల కలిగే లాభాలు:
✦ అధిక బరువు:
ఊబకాయం, అధిక బరువు సమస్యతో బాధపడేవారు ప్రతిరోజు ఒక అవకాడో తినడం వల్ల సులభంగా, ఆరోగ్యంగా బరువు తగ్గవచ్చు. ఇందులో ఫైబర్‌ కంటెంట్‌ ఎక్కువగా ఉంటుంది కాబట్టి అతిగా ఆకలి కలగదు. జీర్ణవ్యవస్థ కూడా మెరుగుపడుతుంది. అవకాడోలో తక్కువ కార్బోహైడ్రేట్లు ఉంటాయి కాబట్టి ఇది బరువు తగ్గడానికి మంచి ఎంపిక.
✦ గుండెకు మేలు:
అవకాడోలో మోనోశాచురేటెడ్ కొవ్వులు అధికంగా ఉంటాయి. ఇది చెడు కొలెస్ట్రాల్‌ను తొలగించడంలో కీలక ప్రాత పోషిస్తుంది. అధిక రక్తపోటు సమస్య ఉన్నవారు కూడా ఈ అవకాడోను తినవచ్చు. ఇందులో యాంటీ ఆక్సిడెంట్‌లు ఉండటం వల్ల గుండె సంబంధిత వ్యాధులు రాకుండా ఉంటాయి. దీని మీ డైట్‌లో చేర్చుకోవచ్చు.
✦ కంటి ఆరోగ్యానికి:
అవకాడో కంటి చూపును మెరుగుపరచడంలో కీలక ప్రాత పోషిస్తుంది. విటమిన్ ఎ, యాంటీ ఆక్సిడెంట్‌లు ఎక్కువగా ఉంటాయి కాబట్టి కంటి చూపు సమస్యలు రాకుండా చేస్తుంది. అలాగే శుక్లాలు రాకుండా ఉండాలంటే మీ ఆహారంలో అవకాడో చేర్చుకోవడం మంచిది.
✦ జీర్ణక్రియ:
మలబద్ధకం, గ్యాస్‌, అజీర్ణం వంటి సమస్యలతో బాధపడేవారు కూడా అవకాడో తినవచ్చు. ఫైబర్‌ కంటెంట్‌ అధికంగా ఉండటం వల్ల జీర్ణవ్యవస్థ మెరుగుపడుతుంది. దీని నేరుగా తినవచ్చు లేదా స్మూతీలా చేసుకొని తాగవచ్చు.
✦ మెదడు పనితీరు:
మెదడు చురుకుగా పని చేయాలంటే అవకాడో ఆహారంలో చేర్చుకోవడం చాలా అవసరం. ఇందులో ఉండే ఒమేగా-3 ఫ్యాటీ యాసిడ్స్, విటమిన్ కె వంటి పోషకాలు మెదడు పనితీరును పెంచుతుంది. ముఖ్యంగా పిల్లలు దీని తినడం వల్ల జ్ఞాపకశక్తి, ఏకాగ్రాత కలుగుతాయి.
✦ షుగర్ లెవల్స్‌ను నియంత్రిస్తుంది:
డయాబెటిస్ ఉన్నవారు అవకాడో పండు తినడం వల్ల వారి షుగర్ స్థాయిలు నియంత్రణలో ఉంటాయి. అవకాడోలో తక్కువ కార్బోహైడ్రేట్లు. తక్కువ గ్లైసెమిక్ ఇండెక్స్ వల్ల షుగర్ స్థాయిలను వేగంగా పెంచదు.