Four Arrested for Spreading False Allegations: ఉత్తరప్రదేశ్‌లోని సంభల్ జిల్లాలో సోషల్ మీడియా వేదికగా అసభ్యకరమైన వీడియోలు ప్రసారం చేసిన ఘటనపై పోలీసులు తీవ్రంగా స్పందించారు. ఈ ఘటనలో మహక్, పరిగా గుర్తించబడిన ఇద్దరు యువతులతో పాటు మొత్తం నలుగురిని పోలీసులు అరెస్ట్ చేశారు. అధికారుల వివరాల ప్రకారం, ‘మహక్ పరిగా’ అనే పేరుతో ఓ ఇన్‌స్టాగ్రామ్ ఖాతాను నిర్వహిస్తూ, ఈ బృందం తరచూ అసభ్యకరమైన, అనుచితమైన వీడియోలను పోస్ట్ చేస్తూ వచ్చింది. వీటి ద్వారా ప్రజల దృష్టిని ఆకర్షించాలన్నదే ప్రధాన ఉద్దేశమని, అదే సమయంలో ఆదాయాన్ని భారీగా సంపాదించడమే లక్ష్యంగా వ్యవహరించినట్లు విచారణలో వెల్లడైంది.

ప్రత్యక్ష నిఘాతో చురుకైన చర్య

సంభల్ జిల్లా పోలీసు అధికారి(ఎస్‌పీ) కృష్ణ కుమార్ బిష్ణోయ్ మీడియాతో మాట్లాడుతూ, ఈ బృందం నెలకు సుమారుగా ₹25,000 నుండి ₹30,000 వరకు ఆర్జించిందని తెలిపారు. వీడియోల్లో వాడిన భాషతో పాటు, పలు వ్యక్తులను లక్ష్యంగా చేసుకొని దూషణలకు పాల్పడినట్లు అధికారులు పేర్కొన్నారు. మొదటి దశ విచారణలో మహక్ తల్లి మరియు ఆమె సోదరుడు అస్లాం కూడా ఈ వ్యవహారంలో ప్రమేయం ఉన్నట్లు ఆధారాలు లభించాయి. దీనిపై వెంటనే స్పందించిన ఎస్‌పీ బిష్ణోయ్‌ విచారణను ఆదేశించి, కేసు నమోదు చేయించి, నిందితులందరిని అరెస్ట్ చేయించారు.

Read more: Hairsh Rao: గురుకులాల్లో దారుణ పరిస్థితులు.. 93 మంది మృతి: హరీష్

ప్రస్తుతం నిందితులు పోలీసు కస్టడీలో ఉన్నారు. అలాగే వారిపై చట్ట ప్రకారం తదుపరి చర్యలు తీసుకోనున్నారు. సంభల్ పోలీసులు తీసుకున్న ఈ వేగవంతమైన చర్యపై ప్రజల నుండి ప్రశంసలు వెల్లువెత్తుతున్నాయి. సమాజంలో సుశీలతను కాపాడటానికి ఎస్‌పీ బిష్ణోయ్ తీసుకున్న చొరవను పలువురు ప్రశంసిస్తున్నారు. పోలీసుల ప్రకారం, ఇలాంటి చర్యలు సోషల్ మీడియా వేదికలను దుర్వినియోగం చేసే వారిపై కఠిన హెచ్చరికగా పనిచేస్తాయి. ఒక నియమిత, బాధ్యతాయుత డిజిటల్ వాతావరణాన్ని కొనసాగించేందుకు ఇది మంచి ఉదాహరణగా నిలుస్తుందన్నారు.

కాగా ఇటీవలే సుప్రీం కోర్టు సైతం సోషల్ మీడియాలో పెరిగిపోతున్న విద్వేషకరమైన ప్రసంగాలపై తీవ్రమైన వ్యాఖ్యలు చేసిన విషయం తెలిసిందే. సోషల్ మీడియా వినియోగం పెరిగిపోవడం, భావ ప్రకటన స్వేచ్ఛను దుర్వినియోగం చేయడం వలన ఈ రకమైన ప్రసంగాలు పెరిగిపోయాయని, వాటిపై కఠిన చర్యలు తీసుకోవాల్సిన అవసరం ఉందని పేర్కొంది. ఈ నేపథ్యంలో రాష్ట్ర ప్రభుత్వాలు ఈ రకమైన విద్వేషకరమైన ప్రసంగాలను నివారించేందుకు కఠినమైన చర్యలు తీసుకోవాలని, అందుకోసం తగిన చట్టాన్ని రూపొందించాలని సూచించింది కూడా. ఈ క్రమంలోనే ఇలాంటి వార్తలు రావడంతో.. సోషల్ మీడియాలో అనాలోచిత ప్రకటనలు, ప్రసంగాలు చేసే వారిలో భయం మొదలవుతుందని అందరూ చెప్పుకుంటున్నారు.