ప్రభాస్ నటించిన ఆదిపురుష్ మూవీ బాక్స్ ఆఫీస్ వద్ద వసూళ్ల జైత్రయాత్ర కొనసాగిస్తుంది. ఇతిహాసం రామాయ‌ణం ఆధారంగా రూపొందిన ఈ చిత్రంలో శ్రీరాముడి పాత్రలో ప్రభాస్, సీత పాత్రలో కృతి సనన్ , రావణాసుర పాత్ర లో సైఫ్ అలీఖాన్ లు నటించగా..మొదటి రోజే నెగిటివ్ టాక్ తెచ్చుకున్నప్పటికీ..బాక్స్ ఆఫీస్ వద్ద మాత్రం ఆ టాక్ ఏ మాత్రం పనిచేయడం లేదు. ఓపెనింగ్ డే నుండి నాల్గు రోజు వరకు కూడా హౌస్ ఫుల్ కలెక్షన్లతో సునామి సృష్టిస్తుంది.
ఓ పక్క సినిమా ఫై నిరసనలు , వివాదాలు , ఆందోళలనలు కొనసాగుతున్నప్పటికీ , ప్రేక్షకులు మాత్రం సినిమాను చూసేందుకు పరుగులు పెడుతున్నారు. దీంతో బాక్స్ ఆఫీస్ వద్ద మంచి వసూళ్లు రాబడుతుంది. ఇక ఈ మూవీ నాల్గు రోజుల వసూళ్లు చూస్తే.. మూడు రోజుల్లో ఇండియాలో 220 కోట్ల నికరంగా, 260 కోట్ల గ్రాస్ వసూళ్లను రాబట్టింది. ఇక ఓవర్సీస్‌లో 80 కోట్లకుపైగా కలెక్షన్లను రాబట్టింది. దాంతో ఈ చిత్రం ప్రపంచవ్యాప్తంగా 340 కోట్ల రూపాయలను వసూలు చేసింది. ఇక ఆదిపురుష్ సినిమా నాలుగో రోజు కలెక్షన్లు చూస్తే.. ఇండియాలో 25 నుంచి 30 కోట్ల కలెక్షన్లు, ఓవర్సీస్‌లో 5 కోట్ల కలెక్షన్లు రాబట్టే అవకాశం ఉంది. ప్రపంచవ్యాప్తంగా ఈ చిత్రం 30 నుంచి 35 కోట్లు వసూలు చేసే అవకాశాలు ఉన్నాయి. త్వరలోనే ఈ మూవీ నాలుగు వందల కోట్ల జాబితాలో చేరడం ఖాయంగా కనిపిస్తుంది.