Bigg Boss Captain: బిగ్‌బాస్ లో సెలబ్రెటీస్ వర్సెస్ కామనర్స్ పోరు నడుస్తూనే ఉంది. కాగా.. హౌస్‌కి రెండో కెప్టెన్ అయ్యేందుకు అటు ఓనర్లు ఇటు టెనెంట్స్ గట్టిగానే కష్టపడుతున్నారు. ఇందులో భాగంగా నిన్న పెట్టిన చక్రవ్యూహం అనే ఛాలెంజ్‌లో ఓనర్స్ విజయం సాధించి వాళ్ల టైమర్‌లో సమయాన్ని తగ్గించుకోగలిగారు. ఇక ఈరోజు ఎపిసోడ్‌లో ఆ సమయాన్ని మొత్తం జీరో చేసుకునేందుకు మరో ఛాలెంజ్ పెట్టాడు బిగ్‌బాస్. ఈ ఛాలెంజ్ అవతలి వారిని ఒప్పించగలిగి కన్విన్స్ చేయడంపై ఆధారపడి ఉంటుంది. బజర్ ఆర్ నో బజర్.. అంటూ పెట్టిన ఈ టాస్కు ప్రకారం ఓనర్స్, టెనెంట్స్ గార్డెన్ ఏరియాలో ఉన్న మీ టైమర్‌లోని మిగిలిన పూర్తి కౌంట్‌డౌన్ సమయాన్ని జీరో చేసుకోవచ్చు.. అంటూ బిగ్‌బాస్ చెప్పాడు. దీంతో యాక్టివిటీ ఏరియాలో టెనెంట్స్‌కి ఒక టెలిఫోన్.. గార్డెన్ ఏరియాలో ఓనర్లకి మరో ఫోన్ ఏర్పాటు చేశారు. ఇక రెండు టీములు ఫోన్‌లో మాట్లాడుకుంటూ అవతలి టీమ్‌తో బజర్ కొట్టనివ్వకుండా చూడాలి.
Read Also: Mutual fund SIP: ఎంత సిప్ కడితే రూ. కోటి వస్తుంది? అలా ఎన్నేళ్లు కట్టాలో తెలుసా!
బజర్ టాస్క్ లో..
ముందుగా ఎట్టి పరిస్థితుల్లోనూ బజర్ కొట్టొద్దు ఎందుకంటే టాస్కులు ఆడితేనే మనకెప్పుడైనా వాల్యూ ఉంటుంది.. అంటూ రీతూతో పవన్ కళ్యాణ్ చెప్పాడు. నన్ను నొక్కొద్దని చెప్పి నువ్వు నొక్కావంటే చెప్పు.. అని రీతూ అంటే 30 మినిట్స్ లైన్‌లోనే ఉద్దాం రా.. ఉండి ఏదో ఒకటి మాట్లాడుకుందాం రా.. అంటూ పవన్ కన్విన్స్ చేశాడు. హానెస్ట్‌గా ఉన్నావంటే మేము నొక్కం.. ఇద్దరూ పెంచుకుందామంటే హ్యాపీగా పెంచుకుందాం.. అంటూ తనూజ మాట్లాడింది. అయితే టాస్కు మధ్యలో అంటే వీళ్లు నొక్కేశారు భరణి సార్ రావట్లేదు మాట్లాడటానికి.. అని టెనెంట్స్‌కి డౌట్ వచ్చింది. దీంతో కాస్త కళ్లు తిరిగే స్థితిలో ఉన్నా కూడా భరణి వచ్చి ఫోన్ మాట్లాడాడు. వీళ్లయితే బజర్ కొట్టలేదు.. అంటూ చెప్పాడు. ఇలా ఈ టాస్కు పూర్తయ్యే సమయానికి ఎవరూ గెలవలేదు. కానీ అంతకుముందు పెట్టిన చక్రవ్యూహం టాస్కులో గెలిచి టైమ్ తగ్గించుకోవడంతో ఓనర్లకి కెప్టెన్సీ కంటెండర్లుగా నిలిచే ఛాన్స్ దక్కింది.
ఆ నలుగురు ఔట్..
ఇప్పుడు టెనెంట్స్.. ఓనర్ గ్రూప్ నుండి కెప్టెన్సీ కోసం అర్హత లేదని మీరు భావించిన నలుగుర్ని నిర్ణయించి వారి పేర్లను తెలియజేయండి.. అంటూ బిగ్‌బాస్ ట్విస్ట్ ఇచ్చాడు. దీంతో డిస్కస్ చేసుకొని చివరికి వారి నిర్ణయాన్ని సంజన అనౌన్స్ చేసింది. ఇది మాకు చాలా కఠినమైన నిర్ణయం.. మేము గ్రూప్ ఓటింగ్‌కి వెళ్లాం.. ప్రియ వద్దనుకున్నాం.. అని సంజన చెప్పింది. దీంతో వన్ మినిట్.. తను హ్యాండిల్ చేయలేకపోయారా మీరందరూ హ్యాండిల్ చేయలేకపోయారా.. అంటూ ప్రియ కాసేపు వాదించింది. తర్వాత తన మూడ్ స్వింగ్స్ ఎవరూ ప్రెడిక్ట్ చేయలేరు .. అంటూ టెనెంట్స్ హరీష్‌ని పక్కన పెట్టేశారు. మూడ్ స్వింగ్స్ గురించి ఆమె మాట్లాడటం చాలా హాస్యాస్పదంగా ఉంది.. అంటూ హరీష్ కౌంటర్ వేశాడు. ఇక పవన్ కళ్యాణ్‌ని కూడా తప్పించారు. దీంతో కెప్టెన్ అంటే నామినేషన్స్‌లో ఉన్నవాడు కాదు.. వాడు హ్యాండిల్ చేయగలడా లేడా.. అనేది చూడాలి అంటూ పవన్ తన బాధ చెప్పుకున్నాడు. దీనికి నువ్వు కెప్టెన్‌గా ఉంటే అథారటీ చూపిస్తావ్.. ఉన్నవాళ్ల మాటలు వినవ్.. అంటూ రీతూ చౌదరి షాకిచ్చింది.
Read Also: Small Cow: ప్రపంచంలో అతి చిన్న ఆవుజాతులు ఏవో తెలుసా.. వాటి ప్రత్యేకతలు చూస్తే మతిపోవాల్సిందే..!
అలానే, కెప్టెన్సీ టాస్క్ నుంచి దమ్ము శ్రీజని కూడా తప్పించారు. ఇక వాళ్ల ముగ్గుర్నీ ఎందుకు సెలక్ట్ చేశారో కావాలి నాకు.. అంటూ శ్రీజ అడిగింది. భరణి గారు అని రీతూ పేరు చెప్పగానే ఫేవరెటిజం.. అంటూ శ్రీజ అసహనం వ్యక్తం చేసింది. దీంతో చివరికి ధర్మంగానే మాట్లాడాలి ఆవిడతో నాకు ర్యాపో ఉన్నప్పుడు నాకు కెప్టెన్సీ అవకాశం ఇచ్చారు కాబట్టి ఫెయిర్ ఎనఫ్.. అంటూ హరీష్ ఒప్పుకున్నాడు. అది.. మీకు కావచ్చు మాకు కాదు.. అంటూ హరీష్‌పై శ్రీజ, ప్రియ ఫైర్ అయ్యారు. దీంతో మీరు మాట్లాడే పాయింట్లకి నాతో ఎందుకు వాదన పెట్టుకుంటారు.. అంటూ హరీష్ కూడా సీరియస్ అయ్యాడు . ఇలా ఓనర్ల నుంచి మర్యాద మనీష్, భరణి, డీమాన్ పవన్‌లకి కెప్టెన్సీ కంటెండర్లుగా ఛాన్స్ దక్కింది. అయితే తర్వాత సంజనకి బిగ్‌బాస్ స్పెషల్ పవర్ ఇచ్చి టెనెంట్స్ నుంచి ఒకర్ని కెప్టెన్సీ కంటెండర్‌గా సెలక్ట్ చేయమంటే ఇమ్మానుయేల్‌ని ఎంపిక చేసినట్లు సమాచారం.
