BCCI 538 Crore Case : టీమిండియా ఇంగ్లాండ్‌తో సిరీస్‌కు సిద్ధమవుతున్న వేళ, భారత క్రికెట్ నియంత్రణ మండలి (బీసీసీఐ)కి బొంబాయి హైకోర్టు భారీ చుక్కెదురు తీర్పు వెల్లడించింది. 2011లో ఐపీఎల్‌ నుంచి తొలగించబడిన ‘కోచ్చి టస్కర్స్ కేరళ’ (కేటీకే) జట్టు యాజమాన్యానికి అనుకూలంగా తీర్పిచ్చిన కోర్టు, బీసీసీఐ రూ.538 కోట్లు చెల్లించాలని ఆదేశించింది.
ఆర్బిట్రేషన్‌ను నిలిపేయలేం : జస్టిస్ ఆర్‌ఐ చాగ్లా నేతృత్వంలోని సింగిల్ బెంచ్ ఈ తీర్పు వెల్లడించింది. “ఆర్బిట్రేషన్ ట్రిబ్యునల్ ఇచ్చిన అవార్డ్‌ను రద్దు చేసే అధికారం కోర్టుకు లేదు. ఇది అప్పీలెట్ బాడీలా వ్యవహరించదు” అని కోర్టు తేల్చేసింది. దీంతో మొత్తం రూ.538 కోట్ల ఆర్బిట్రేషన్ అవార్డు బేస్ చేసి బీసీసీఐను చెల్లించాల్సిన పరిస్థితి ఏర్పడింది. ఇందులో కేసీపీఎల్‌కు రూ.384 కోట్లు, ఆర్‌ఎస్‌డబ్ల్యూకు రూ.153 కోట్లు చెల్లించాల్సి ఉంటుంది.
ఇంతకీ ఈ కేసు ఏమిటి..?
2011లో ఐపీఎల్‌లో కేటీకే జట్టు పోటీలో పాల్గొంది. తొలి ఏడాది రెండెజౌస్ స్పోర్ట్స్ వరల్డ్ (RSW) జట్టు నిర్వహించింది. తర్వాత కోచ్చి క్రికెట్ ప్రైవేట్ లిమిటెడ్ (KCPL) నిర్వహణ చేపట్టింది. స్టేడియం లభ్యత, మ్యాచ్‌ల షెడ్యూల్ లో మార్పులు, వాటాదారుల మధ్య అంతరాయాలు లాంటి అంశాలతో బ్యాంక్ గ్యారెంటీ ఇవ్వలేకపోయింది. తీరా గ్యారెంటీ లేని మాట వినిపించినా, బీసీసీఐ పదివేళలుగా చెల్లింపులు స్వీకరించింది. చివరికి మధ్యలో ఒప్పందాన్ని రద్దు చేసింది. ఇదే ఈ వివాదానికి మూలం.
బీసీసీఐపై రూ.538 కోట్ల భారం తప్పనిసరి : ఆర్బిట్రేషన్ తీర్పు బీసీసీఐకి ఎదురుదెబ్బగా మారింది. 2012లో కేసీపీఎల్, ఆర్‌ఎస్‌డబ్ల్యూలు కలిసి ఆర్బిట్రేషన్‌కు వెళ్లాయి.బీసీసీఐ ఒప్పందం అక్రమంగా రద్దు చేసిందని అభియోగం మోపారు. ట్రిబ్యునల్ బీసీసీఐ తప్పులో ఉందని నిర్ధారించి, వారిద్దరికీ మొత్తంగా రూ.538 కోట్లు చెల్లించాలని తీర్పిచ్చింది. బీసీసీఐ, బ్యాంక్ గ్యారెంటీ అందనందున ఒప్పందం రద్దుచేసినట్లు కోర్టులో వాదించినా, ఆర్బిట్రేషన్ చట్టబద్ధం కాదని చెప్పినప్పటికీ, బొంబాయి హైకోర్టు కేసీపీఎల్‌కు అనుకూలంగా తీర్పు ఇచ్చింది.దీంతో బీసీసీఐపై రూ.538 కోట్ల భారం తప్పనిసరి అయింది.