రానున్న 2023 అసెంబ్లీ ఎన్నికలకు తొలి జాబితాను సీఎం కేసీఆర్ వెల్లడించారు. ఫస్ట్ లిస్టులో ఏడుగురు సిట్టింగులు మినహా మిగతావారందరికీ టికెట్లు దక్కాయి. అయితే టికెట్లు రానివారు అసంతృప్తికి గురికావద్దని, బీఆర్ఎస్ పార్టీ ఓ మహా సముద్రమని కేసీఆర్ చెప్పుకొచ్చారు. ఇక అందరూ ఊహించినట్టే ..తాటికొండ రాజయ్య – స్టేషన్‌ఘన్‌పూర్‌, రేఖానాయక్‌ – ఖానాపూర్‌, చెన్నమనేని రమేష్‌ – వేములవాడ,
గంప గోవర్ధన్‌ – కామారెడ్డి, రాథోడ్‌ బాపూరావ్‌ – బోథ్‌, ఉప్పల్‌ – భేతి సుభాష్‌రెడ్డి, వైర – రాములు నాయక్‌ లకు టికెట్ దక్కలేదు.
హుజూరాబాద్‌ స్థానంలో కౌశిక్‌రెడ్డి, వేములవాడలో చల్మెడ లక్ష్మీనరసింహారావులు పోటీ చేయనున్నట్లు కేసీఆర్ తెలిపారు. కోరుట్ల ఎమ్మెల్యే విద్యాసాగర్‌రావు అభ్యర్థన మేరకు ఆ స్థానాని ఆయన కుమారుడు సంజయ్‌కి కేటాయించామని సీఎం వెల్లడించారు. నాలుగు స్థానాలు మాత్రం పెండింగ్‌లో ఉన్నాయని, ఆక్కడ ఎవరిని నిలబెట్టాలో ఇంకా పరిశీలిస్తున్నట్లు సీఎం చెప్పారు.