రేషన్‌ బియ్యం మాయం వ్యవహారంలో వైసీపీ నేత, మాజీ మంత్రి పేర్ని నాని(Perni Nani)పై కేసు నమోదైంది. ఈ కేసులో ఆయనను ఏ6గా చేరుస్తూ మచిలీపట్నం పోలీసులు కేసు నమోదు చేశారు. మరోవైపు ఇదే కేసులో ఇప్పటికే నలుగురు నిందితులను పోలీసులు అరెస్ట్ చేశారు. వారికి మచిలీపట్నం స్పెషల్‌ మొబైల్‌ జడ్జి రిమాండ్‌ విధించారు. దీంతో నిందితులను సబ్‌జైలుకు తరలించారు.
- Advertisement -
నలుగురు నిందితుల్లో గోదాము మేనేజర్‌ మానస్ తేజ, పౌరసరఫరాల శాఖ అసిస్టెంట్‌ మేనేజర్‌ కోటిరెడ్డి, రైస్‌ మిల్లు యజమాని బొర్రా ఆంజనేయులు, లారీ డ్రైవర్‌ బోట్ల మంగరాజు ఉన్నారు. ఇక ఈ కేసులో పేర్ని నాని సతీమణి జయసుధను ఏ1గా పోలీసులు పేర్కొన్న సంగతి తెలిసిందే. ఆమెకు మచిలీపట్నం కోర్టు ముందస్తు బెయిల్ మంజూరు చేసింది. అయితే పోలీసులు విచారణకు మాత్రం సహకరించాలని ఆదేశించింది.
