Drumsticks curry: ములక్కాయ వల్ల మన ఆరోగ్యానికి ఎన్నో లాభాలుంటాయి. ఇందులోని ఔషధ గుణాలు రోగనిరోధక శక్తిని పెంచడంతో ఎన్నో వ్యాధులను దరిచేరనీయకుండా చేస్తాయి. క్యాల్షియం, ఐరన్, విటమిన్ సి, యాంటీ ఆక్సిడెంట్లు, ఫైబర్ వంటి పోషకాలుంటాయి ఇందులో. మునగకాయల్లో ఉండే యాంటీ బ్యాక్టీరియల్ లక్షణాలు.. శరీరాన్ని పలు సీజనల్ ఇన్ఫెక్షన్ల నుండి కాపాడతాయి. మునక్కాయను తినడం వల్ల ఎముకలు కూడా దృఢంగా ఉంటాయి. అంతేకాక జీర్ణశక్తి కూడా మెరుగుపడుతుంది. వీటితో పాటు జలుబు, దగ్గు వంటి సాధారణ శ్వాసకోశ సమస్యలను తగ్గించడంలో ఇవి సహకరిస్తాయి. అందుచేత ములక్కాయను ఆరోగ్యానికి ఎంతో మేలు చేసే కూరగాయ కింద పరిగణిస్తారు.
సూపర్‌ఫుడ్‌గా చెప్పుకునే ఈములక్కాయతో ఎన్నో రుచికరమైన వంటలు తయారు చేయవచ్చు. అవేంటో ఇప్పుడు చూద్దాం.
- ములక్కాయ సాంబార్:
కావలసిన పదార్థాలు:
ములక్కాయ ముక్కలు,
పప్పు,
టమాటాలు,
సాంబార్ పొడి,
మిరియాల పొడి,
కరివేపాకు,
వెల్లుల్లి రెబ్బలు.
తయారీ విధానం:
పప్పును బాగా ఉడికించాలి.
ములక్కాయ ముక్కల్ని కొద్దిగా ఉడికించాలి.
ఒక పాన్‌లో తాలింపు చేసి, అందులో వెల్లుల్లి, టమాట, ములక్కాయ వేసి వేయించాలి.
అందులో ఉడికించిన పప్పు, నీరు, సాంబార్ పొడి, ఉప్పు వేసి మరిగించాలి.
చివరగా కరివేపాకు, మిగతా పొడులు వేసి సర్వ్ చేసుకోవాలి.
- ములక్కాయ పప్పు:
కావలసిన పదార్థాలు:
కందిపప్పు,
ములక్కాయ ముక్కలు,
పచ్చి మిరప కాయలు,
వెల్లుల్లి,
కరివేపాకు.
తయారీ విధానం:
పప్పు, ములక్కాయ కలిపి కుక్కర్‌లో ఉడికించాలి.
ఒక పాన్‌లో తాలింపు వేసి, అల్లం, పచ్చిమిర్చి, వెల్లుల్లి వేసి వేయించాలి.
మగ్గిన పప్పు కలిపి ఉప్పు వేసి మరిగించాలి.
చివరగా కొత్తిమీర వేసి పైన తాలింపు వేసి అందించాలి.
- ములక్కాయ కూర:
కావలసిన పదార్థాలు:
ములక్కాయ ముక్కలు,
బంగాళా దుంపలు లేదా ముల్లంగి,
మసాలా పొడులు.
తయారీ విధానం:
ములక్కాయ, బంగాళాదుంప ముక్కలు ఉడికించాలి.
కూరల పాన్‌లో తాలింపు చేసి ఉల్లిపాయలు, టమాట వేసి ఉడికించాలి.
మసాలా పొడి (ధనియాల పొడి, జీలకర్ర, కారం) వేసి కలపాలి.
ఉడికించిన ములక్కాయ, కూర మిశ్రమం వేసి కలిపి చిన్న మంటపై ఉడికించాలి.
- ములక్కాయ చారు:
కావలసిన పదార్థాలు:
ములక్కాయ ముక్కలు,
సాంబార్ పొడి,
పచ్చి మిరప కాయలు,
ఇంగువ.
తయారీ విధానం:
నీటిలో ములక్కాయ ముక్కలు ఉడికించాలి.
చారు పొడి, పచ్చి మిరప కాయలు, సాంబార్ పొడి వేసి మరగించాలి.
తాలింపు వేసి, చారులో పోయాలి.
కొత్తిమీర తురిమి చల్లాలి.
- ములక్కాయ పచ్చడి:
కావలసిన పదార్థాలు:
ములక్కాయ ముక్కలు,
ఎండు మిరపకాయలు,
ఇంగువ,
వెల్లుల్లి.
తయారీ విధానం:
ములక్కాయ ముక్కల్ని ఉడికించి గుజ్జుగా చేయాలి.
ఒక పాన్‌లో తాలింపు చేసి ఎండు మిర్చి, వెల్లుల్లి వేసి వేయించాలి.
అన్నిటినీ కలిపి మిక్సీలో తిప్పాలి.
ఉప్పు, నిమ్మరసం కలిపి చింతపండు కూడా వేయొచ్చు. అంతే సింపుల్.
ఇవి కాకుండా ములక్కాయతో.. పులుసు, వేపుడు కూడా చేసుకోవచ్చు. మంచి టేస్ట్ తో పాటు ఆరోగ్యానికి ఎంతో మేలు చేస్తాయివి.