Iran Israel Conflict : పశ్చిమాసియా మరోసారి యుద్ధ మేఘాలతో కమ్ముకుంది. దశాబ్దాలుగా ఉప్పు-నిప్పుగా ఉన్న ఇజ్రాయెల్, ఇరాన్‌ల మధ్య కత్తులు దూసుకున్నాయి. ‘ఆపరేషన్ రైజింగ్ లయన్’ పేరుతో ఇరాన్‌పై ఇజ్రాయెల్ చేసిన మెరుపుదాడితో పశ్చిమాసియా ఒక్కసారిగా భగ్గుమంది. ఈ అనూహ్య దాడితో తీవ్రంగా దెబ్బతిన్న ఇరాన్.. ఏమాత్రం ఆలస్యం చేయకుండా ప్రతీకార దాడులకు దిగింది. టెల్ అవీవ్, జెరూసలెం నగరాలను లక్ష్యంగా చేసుకొని డజన్ల కొద్దీ క్షిపణులతో విరుచుకుపడింది. ఇరాన్ క్షిపణులను అడ్డుకునేందుకు ఇజ్రాయెల్ తమ అత్యాధునిక ఇంటర్‌సెప్టర్ క్షిపణులను ప్రయోగించడంతో, ఇరు దేశాల మధ్య దాడులు తీవ్రమై పరిస్థితి ఉద్రిక్తంగా మారింది. ఈ పరిణామం ప్రపంచవ్యాప్తంగా కలవరం సృష్టిస్తోంది.
టెల్ అవీవ్, జెరూసలెం లక్ష్యంగా మిసైళ్ల దాడి :
ఇరాన్‌పై ఇజ్రాయెల్ ‘ఆపరేషన్ రైజింగ్ లయన్’ దాడితో పశ్చిమాసియా రణరంగంగా మారింది. దీనికి ప్రతీకారంగా, ఇరాన్ టెల్ అవీవ్, జెరూసలెంలపై డజన్ల కొద్దీ క్షిపణులతో దాడి చేసింది. ఇజ్రాయెల్ వాటిని ఇంటర్‌సెప్టర్ క్షిపణులతో అడ్డుకోవడంతో, ఇరు దేశాల మధ్య దాడులు తీవ్రమయ్యాయి. ఈ పరిణామాలు మధ్యప్రాచ్యంలో మరింత ఉద్రిక్తతలకు దారితీతీయనున్నాయి.
ఇరాన్ ప్రతిస్పందన దాడులు చేపట్టకముందే..
పశ్చిమాసియాలో ఉద్రిక్తతలు పతాక స్థాయికి చేరాయి. ఇరాన్ ప్రయోగించిన డజన్ల కొద్దీ క్షిపణులతో టెల్ అవీవ్, జెరూసలెంలలో బాంబు పేలుళ్లు సంభవించాయి, సైరన్‌లు మోగాయి. ఇజ్రాయెల్ తమ పౌరులే లక్ష్యంగా దాడి జరిగిందని పేర్కొంటూ, వందకు పైగా క్షిపణులను కూల్చివేసినట్లు తెలిపింది. అయితే, ఇరాన్ రెండు ఇజ్రాయెల్ ఫైటర్ జెట్లను కూల్చినట్లు ప్రకటించినా, ఇజ్రాయెల్ దాన్ని ఖండించింది. ఇరాన్ ప్రతీకార దాడులకు ముందే, ఇజ్రాయెల్ ఇస్ఫాహాన్ అణు స్థావరంపై వైమానిక దాడులు చేసింది, యురేనియం శుద్ధి సౌకర్యాలతో సహా 200 లక్ష్యాలను ధ్వంసం చేసినట్లు ప్రకటించింది. ఈ దాడుల్లో 78 మంది ఇరాన్ పౌరులు మరణించగా, 320 మందికి పైగా గాయపడినట్లు ఇరాన్ UN రాయబారి తెలిపారు. ఇజ్రాయెల్ అవసరమైతే మళ్లీ దాడి చేస్తామని హెచ్చరించింది.
ప్రతీకారం తీర్చుకుంటాం :
ఇజ్రాయెల్ దాడులకు ప్రతీకారం తీర్చుకుంటానని ఇరాన్ సుప్రీం లీడర్ అయతుల్లా అలీ ఖమేనీ ప్రతిజ్ఞ చేశారు. “వారు చేసిన ఈ గొప్ప నేరం నుంచి సురక్షితంగా తప్పించుకోవడానికి మేం వారిని అనుమతించం” అని ఘాటుగా హెచ్చరించారు. ఖమేనీ కార్యాలయం సమీపంలోనే దాడులు జరిగినట్లు సోషల్ మీడియాలో వీడియోలు వెలుగులోకి వచ్చాయి. తమ సైన్యం దాడికి సిద్ధంగా ఉందని కూడా ఆయన స్పష్టం చేశారు.
Iran’s revenge with 100 drones & missiles : ఇజ్రాయెల్ బాంబుల వర్షం
