Superfoods For Liver Health: శరీరంలోని ముఖ్యమైన అవయవాలలో కాలేయం ఒకటి. కాలేయం మన శరీరంలోని అతిపెద్ద డీటాక్స్ సెంటర్ అని మీకు తెలుసా? కాలేయం శరీరం నుండి విష వ్యర్థాలను తొలగించడంలో ముఖ్యమైన పాత్ర పోషిస్తుంది. లివర్ సరిగ్గా పనిచేయడానికి సరైన పోషకాహారం కూడా ఎంతో అవసరం. ఇటువంటి పరిస్థితిలో కాలేయాన్ని ఆరోగ్యంగా ఉండాలంటే కింద పేర్కొన్న 6 సూపర్‌ఫుడ్‌లను మన డైట్ లో చేర్చుకోవాలి. అవేంటో ఇప్పుడు చూద్దాం.

బ్రోకలీ, క్యాబేజీ

బ్రోకలీ, క్యాబేజీ వంటి కూరగాయలు కాలేయానికి ఎంత ప్రయోజనకరంగా ఉంటాయి. వీటిలో ఉండే గ్లూకోసినోలేట్స్ అనే ఎంజైమ్‌లు కాలేయంలో డీటాక్స్ ఎంజైమ్‌లను సక్రియం చేస్తాయి. ఈ ఎంజైమ్‌లు శరీరం నుండి విషాన్ని తొలగించడంలో ఎంతో సహాయపడతాయి. వీటిని వారానికి 2-3 సార్లు ఆహారం లో భాగం చేసుకోవాలి.

విటమిన్-సి అధికంగా ఉండే ఆహారాలు

నిమ్మ, నారింజ, జామ వంటి విటమిన్-సి అధికంగా ఉండే పండ్లు కాలేయానికి ఎంతో మేలు చేస్తాయి. విటమిన్ సి శరీరంలోని ప్రధాన యాంటీఆక్సిడెంట్, గ్లూటాథియోన్‌ను పెంచుతుంది. ఇది డీటాక్స్ ప్రక్రియలో సహాయపడుతుంది. నిమ్మకాయ పిత్త ఉత్పత్తిని కూడా ప్రోత్సహిస్తుంది. ఇది కొవ్వును జీర్ణం చేయడానికి సహాయపడుతుంది.

Also Read: Fatty Liver: ఫ్యాటీ లివర్ సమస్యనా..? ఈ సింపుల్ టిప్స్ పాటించండి..!

వెల్లుల్లి

వెల్లుల్లి ఆహార రుచిని పెంచడమే కాకుండా కాలేయానికి కూడా చాలా మంచిది. ఇందులో ఉండే అల్లిసిన్, సెలీనియం అనే ఎంజైమ్‌లు ఉంటాయి. ఇవి డిటాక్స్ ఎంజైమ్‌లను సక్రియం చేస్తాయి. హానికరమైన బ్యాక్టీరియా, టాక్సిన్‌లను బయటకు పంపడంలో సహాయపడతాయి. వెల్లులిని పచ్చిగా తిన్న సరే లేదంటే వంటకాల్లో వదిన సరిపోతుంది.

ఆపిల్

రోజుకు ఒక ఆపిల్ వైద్యుడిని దూరంగా ఉంచుతుంది – ఈ సామెత కాలేయం విషయంలో కూడా నిజం. ఆపిల్స్‌లో పెక్టిన్ అనే కరిగే ఫైబర్ ఉంటుంది. ఇది టాక్సిన్స్‌తో బంధిస్తుంది. రోజువారీ గట్ డిటాక్స్‌లో సహాయపడుతుంది. ఆపిల్ పూర్తి ప్రయోజనాలు పొందడానికి ప్రతిరోజూ తొక్కతో ఒక ఆపిల్ తినాలి.

బీట్‌రూట్

బీట్‌రూట్ కాలేయానికి గొప్ప సూపర్‌ఫుడ్. ఇది పిత్త ప్రవాహాన్ని పెంచుతుంది. హార్మోన్ డిటాక్స్ మార్గాలకు మద్దతు ఇస్తుంది. ఇది శరీరం నుండి హానికరమైన పదార్థాలను తొలగించడంలో సహాయపడుతుంది. దీన్ని జ్యూస్ లాగా తాగాలి లేదా వారానికి 3-4 సార్లు సలాడ్లలో కలిపి తీసుకోవాలి.

కొత్తిమీర

కొత్తిమీర ఆకులు ఆహార రుచిని పెంచడమే కాదు, శరీరం నుండి సీసం, పాదరసం వంటి భారీ లోహాలను తొలగించడంలో సహాయపడుతుంది. ఇది కాలేయం, మూత్రపిండాలపై డీటాక్స్ లోడ్‌ను తగ్గిస్తుంది. వీటిని వంటకాల్లో వాడిన లేదా కొత్తిమీర నీరు తగిన సరిపోతుంది.