పాలేరు నియోజకవర్గం కమ్యూనిస్టులదే అని, ఇది కమ్యూనిస్టుల కంచుకోటని పాలేరు నియోజకవర్గంలో కమ్యూనిస్టులకు పూర్వ వైభవం తీసుకొస్తామని సిపిఎం పార్టీ రాష్ట్ర కార్యదర్శి తమ్మినేని వీరభద్రం అన్నారు. ఈరోజు తిరుమలాయపాలెం మండల పర్యటనలో భాగంగా పిండిప్రోలు, హైదర్ సాయి పేట, దమ్మైగూడెం గ్రామాల్లో తమ్మినేని పర్యటించారు. ఈ సందర్భంగా దమ్మాయిగూడెం గ్రామంలో జరిగిన సభలో పలు గ్రామాల నుండి సిపిఎంలోకి చేరికలు సాగాయి. దాదాపుగా 50 కుటుంబాల నుంచి గోపాయగూడెం, దమ్మాయి గూడెం తండా, పిండిప్రోలు తిమ్మక్కపేట ఏలు వారి గూడెం గ్రామాల నుంచి సిపిఎంలో చేరారు.
రాష్ట్రంలో పాలేరు నియోజకవర్గం సిపిఎం పార్టీకి మొదటి ప్రాధాన్యతని, ఏది ఏమైనా సిపిఎం పాలేరు నియోజకవర్గంలో పోటీ చేసి తీరుతుందని ఈ సందర్భంగా తమ్మినేని స్పష్టంచేశారు. తమ్మినేని పర్యటనతో పాలేరులో పార్టీలో సరికొత్త ఉత్సాహం వచ్చింది.
ఈ కార్యక్రమంలో సిపిఎం పాలేరు నియోజకవర్గ ఇంచార్జ్ బండి రమేష్, సిపిఎం పార్టీ జిల్లా కమిటీ సభ్యులు మండల ఇంచార్జ్ షేక్ బషీరుద్దీన్, మండల నాయకులు అంగిరేకుల నరసయ్య, వేగినాటి వెంకట్రావు, దాసరి మహేందర్, తుళ్లూరు నాగేశ్వరరావు, వీరన్న, నాగాటి సురేష్, నెరసుల వెంకటేష్, చలం స్వామి, కొండేటి నిర్మల్ రావు, రవి, చల్లా వెంకటేశ్వర్లు, పప్పుల ప్రసాద్ పప్పులు ఉపేందర్, మోరా ఉపేందర్ రెడ్డి, రాజశేఖర్, రావుల వెంకటరామిరెడ్డి, ముసునూరి వీరభద్రం, దిండు మంగపతి, తదితరులు పాల్గొన్నారు.