కరీంనగర్ పోలీస్ కమిషనరేట్ పోలీసులకు నిర్వహించిన 2024 వార్షిక స్పోర్ట్స్ అండ్ గేమ్స్ మీట్ కమిషనరేట్ పరేడ్ గ్రౌండ్ లో ముగిసింది. ఈ కార్యక్రమానికి ముఖ్య అతిధిగా మల్టీజోన్ ఐ.జి.- 1 ఎ. వి . రంగనాథ్, ఐపీఎస్. హాజరయ్యారు.
![](https://b4qbdc.p3cdn1.secureserver.net/wp-content/uploads/2024/06/225b6cde-40a3-4240-a850-4138c0eb9f09-1024x684.jpg)
జట్ల వారీగా స్పోర్ట్స్ పెరేడ్ నిర్వహించారు. తదనంతరం స్పోర్ట్స్ మీట్ లైట్ వెలిగించారు. రెండు రోజులపాటు జరిగిన ఆటలు క్రీడలను ఒక ఏవీ రూపంలో ప్రదర్శించారు. ఈ సందర్బంగా మల్టీజోన్ ఐ.జి.- 1 ఎ.వి. రంగనాథ్, ఐపీఎస్. మొన్నటి వరకు ఎన్నికల హడావుడి వుండి మరో నాలుగు రోజుల్లో ఎన్నికల కౌంటింగ్ ఉండగా ఈ మధ్య గల అతి తక్కువ విరామంలో విధుల్లో నిమగ్నమై వున్న పోలీసులకు అతి తక్కువ సమయంలో చాలా గొప్పగా ఈ మీట్ నిర్వహించారన్నారు. ఇందుకు గాను పోలీస్ కమిషనర్ ను అభినందించారు.
![](https://b4qbdc.p3cdn1.secureserver.net/wp-content/uploads/2024/06/42e0e694-b907-4dfc-ae44-319e384653c8-1024x684.jpg)
నిత్యం విధుల్లో వుండే పోలీసులకు ఇటువంటి ఆటల వలన మానసికోల్లాసమే కాకుండా శారీరక ధృడత్వంతో పాటు ఆత్మవిశ్వాసమూ పెంపొందుతుందన్నారు. ఈ మీట్ లో భాగంగా సిబ్బందికి అథ్లెటిక్స్ ,వాలీబాల్ , ఫుట్ బాల్ , క్రికెట్, బ్యాడ్మింటన్ , హ్యాండ్ బాల్, కబడ్డీ లతో పాటు మొత్తం 12 క్రీడల్లో పోటీలు నిర్వహించగా విజేతలకు బహుమతులు అందజేశారు.
![](https://b4qbdc.p3cdn1.secureserver.net/wp-content/uploads/2024/06/270b7f3f-410c-4a8f-83bf-8171e33b4a86-1024x684.jpg)
![](https://b4qbdc.p3cdn1.secureserver.net/wp-content/uploads/2024/06/ef0349e9-3c52-48c7-8c68-c28def5f3cec-1024x684.jpg)