BCCI: నిధుల దుర్వినియోగం కేసులో భారత క్రికెట్ నియంత్రణ బోర్డు(బీసీసీఐ)కి ఉత్తరాఖండ్ హైకోర్టు నోటీసులు జారీ చేసింది. రూ.12 కోట్ల దుర్వినియోగం కేసులోనే హైకోర్టు ఈ నిర్ణయం తీసుకుంది. ఉత్తరాఖండ్ క్రికెట్ అసోసియేషన్‌కు బీసీసీఐ ఇచ్చిన డబ్బు దుర్వినియోగం అయిందని హైకోర్టులో పిటిషన్ దాఖలైంది. దీనిపై దర్యాప్తు కోరుతూ పలువురు కోర్టుని ఆశ్రయించారు. అయితే, బీసీసీఐ ఉత్తరాఖండ్ బోర్డుకు రిలీజ్ చేసిన 12 కోట్ల నిధుల్లో 35 లక్షల రూపాయలు ఆటగాళ్లకు అరటిపండ్లు కొనడానికి ఖర్చు చేసినట్లు సమాచారం. అయితే, ఆటగాళ్లకు పండ్లు ఇవ్వడమే కాకుండా, ఇతర పనులకు కూడా చాలా డబ్బు ఖర్చు చేశారని ఉత్తరాఖండ్ క్రికెట్ అసోసియేషన్ ఆడిట్ నివేదిక పేర్కొంది.
Read Also: Asia Cup: క్రికెట్ ఫ్యాన్స్ కి పండుగ.. మరికొంత సేపట్లో మ్యాచ్..!
అరటిపండ్లకు రూ.35 లక్షలు ఖర్చు చేశారా?
ఉత్తరాఖండ్ హైకోర్టులో దాఖలైన పిటిషన్ లో 12 కోట్లలో 35 లక్షల రూపాయలు అరటిపండ్లు కొనడానికే ఖర్చు చేశారని పేర్కొన్నారు. కాగా.. ఈ కేసుపై విచారణ సెప్టెంబర్ 19న జరగనుంది. దీనిపై బీసీసీఐని కూడా సమాధానం కోరింది. ఉత్తరాఖండ్ ఆడిట్ నివేదిక ప్రకారం, ఈవెంట్ నిర్వహణకు 6.4 కోట్ల రూపాయలు, టోర్నమెంట్-ట్రయల్ ఖర్చులకు మొత్తం 26.3 కోట్ల రూపాయలు ఖర్చు చేసినట్లు ఆడిట్ నివేదిక వెల్లడించింది. ఇది గత ఆర్థిక సంవత్సరంలో 22.3 కోట్ల రూపాయల కంటే ఎక్కువ. ఉత్తరాఖండ్ అసోసియేషన్ ఆహారం, పానీయాల ఖర్చుల పేరుతో కోట్ల రూపాయలను దుర్వినియోగం చేసిందని హైకోర్టులో పిటిషనర్లు ఆరోపించారు.
Read also: Bigg boss: భరణికి స్పెషల్ పవర్.. సుమన్ శెట్టి డెసిషన్ ఒప్పుకోని ప్రియా
ఉత్తరాఖండ్ క్రికెట్ బోర్డు వివాదం..
ఉత్తరాఖండ్ క్రికెట్ బోర్డుపై గతంలో కూడా తీవ్రమైన కుంభకోణం ఆరోపణలు వచ్చాయి. 2022 సంవత్సరంలో, ఉత్తరాఖండ్ క్రికెట్ అసోసియేషన్ తన ఆటగాళ్లకు 12 నెలల్లో సగటున రోజుకు రూ. 100 మాత్రమే చెల్లించిందని వెల్లడైంది. ఇది ఉత్తరాఖండ్‌లోని కనీస వేతనం కంటే తక్కువ. అంతేకాకుండా బోర్డు తమపై మానసిక, శారీరక దోపిడీకి పాల్పడుతున్నట్లు ఉత్తరాఖండ్ క్రికెట్ టీమ్ ప్లేయర్లు ఆరోపణలు చేశారు. ఉత్తరాఖండ్ క్రికెట్ అసోసియేషన్ చాలా మంది అధికారుల నియామకాలను ఎలా తారుమారు చేసిందో ఇప్పటికే మీడియాలో నివేదికలు వచ్చాయి.
