Shreyas Iyer Leaves India A Captaincy: ఆస్ట్రేలియా ‘A’తో జరగాల్సిన రెండో ఫస్ట్-క్లాస్ మ్యాచ్‌కి కేవలం కొన్ని గంటల ముందు టీమ్ ఇండియా ‘A’ కెప్టెన్ శ్రేయాస్ అయ్యర్ తీసుకున్న నిర్ణయం అందరినీ ఆశ్చర్యానికి గురిచేసింది. వ్యక్తిగత కారణాలతో కెప్టెన్సీ నుంచి తప్పుకున్న శ్రేయాస్, జట్టు నుంచి కూడా పూర్తిగా నిష్క్రమించి ముంబైకి తిరిగి వెళ్లినట్లు తెలుస్తోంది. ఈ అనూహ్య పరిణామంతో జట్టు యాజమాన్యం వెంటనే ధ్రువ్ జురెల్‌ను కెప్టెన్‌గా ప్రకటించి రెండో మ్యాచ్‌కు సిద్ధమైంది.

ALSO READ: Quinton de Kock: క్వింటన్‌ డికాక్‌ రీఎంట్రీ.. రిటైర్మెంట్‌ను వెనక్కు తీసుకున్న స్టార్‌ బ్యాట్స్‌మెన్‌..!

టీమ్ ఇండియాలో తిరిగి స్థానం సంపాదించుకోవడానికి శ్రేయాస్ అయ్యర్ తీవ్రంగా ప్రయత్నిస్తున్న సమయంలో ఈ నిర్ణయం తీసుకోవడం చర్చనీయాంశంగా మారింది. ఇంగ్లాండ్ పర్యటన, ఆసియా కప్ 2025 వంటి ముఖ్యమైన టోర్నమెంట్లలో అతడికి చోటు దక్కలేదు. అయితే, వన్డే ఫార్మాట్‌లో మాత్రం శ్రేయాస్ తన స్థానాన్ని పదిలం చేసుకుని, గత ఏడాది ఛాంపియన్స్ ట్రోఫీ విజయంలో కీలక పాత్ర పోషించాడు. టెస్ట్, టీ20 ఫార్మాట్లలో మాత్రం జట్టులో చోటు సంపాదించడం అతడికి సవాలుగా మారింది.

ALSO READ: IND vs PAK: ‘బై బై పాకిస్థాన్..’ అంటూ స్టేడియంలో యువతి హల్ చల్, వీడియో వైరల్

గత ఫస్ట్-క్లాస్ మ్యాచ్‌లో ఆస్ట్రేలియా ‘A’తో జరిగిన పోరులో శ్రేయాస్ 8, 13 పరుగులు మాత్రమే చేసి నిరాశపరిచాడు. ఈ మ్యాచ్‌లో అతడు ఒక అంపైర్ తప్పుడు నిర్ణయానికి బలయ్యాడని కూడా వార్తలు వచ్చాయి. అప్పటికే ఫామ్ లేమితో ఇబ్బంది పడుతున్న శ్రేయాస్‌కు ఈ తక్కువ స్కోర్లు మరింత ఒత్తిడి పెంచాయి.

వెస్ట్ ఇండీస్ సిరీస్‌కు జట్టును ఎంపిక చేయనున్న తరుణంలో శ్రేయాస్ తీసుకున్న ఈ నిర్ణయం జట్టులో చోటుపై ప్రభావం చూపుతుందా లేదా అనేది వేచి చూడాలి. ప్రస్తుతం అతడు సెలక్షన్ రేసులో ఉన్నట్లు బీసీసీఐ వర్గాలు తెలిపినా, అతడి హఠాత్ నిష్క్రమణ వెనుక అసలు కారణం ఏమిటనేది మాత్రం ఇంకా స్పష్టంగా తెలియలేదు. ఈ పరిణామం శ్రేయాస్ అభిమానులను ఆందోళనకు గురిచేస్తోంది.

ALSO READ: IND vs PAK: హ్యాండ్ షేక్ వివాదం.. భారత క్రికెటర్లకు క్లాస్ పీకిన గంభీర్.. వీడియో వైరల్..