Password leak : స్మార్ట్‌ఫోన్, ల్యాప్‌టాప్, జిమెయిల్ లేదా సోషల్ మీడియాను ఉపయోగించే వినియోగదారులారా ఈ వార్త పెడచెవిన పెట్టకండి. జాగ్రత్త వహించండి.. ఎందుకంటే పెద్ద సైబర్ దాడిలో ప్రపంచవ్యాప్తంగా 1600 కోట్లకు పైగా పాస్‌వర్డ్‌లు, ఇమెయిల్ ఐడిలు ఇంటర్నెట్‌లో లీక్ అయ్యాయి. దీంతో పెద్ద మొత్తంలో పాస్‌వర్డ్‌లు లీక్ కావడంతో గూగుల్ తన వినియోగదారులను అప్రమత్తం చేసింది. సైబర్ భద్రతా నిపుణుల అభిప్రాయం ప్రకారం, ఇది ఇప్పటివరకు జరిగిన అతిపెద్ద డేటా దొంగతనం ఇదే, ఈ లీక్ గూగుల్, ఫేస్‌బుక్, ఆపిల్ మరియు టెలిగ్రామ్ వంటి పెద్ద ప్లాట్‌ఫామ్‌లను ప్రత్యక్షంగా ప్రభావితం చేసింది.
లీక్ కారణంగా సున్నితమైన సమాచారం ఎటువంటి భద్రత లేకుండా బహిరంగంగా యాక్సెస్ చేయగల సర్వర్‌లో గుర్తించారు. దీనివల్ల సాధారణ వినియోగదారుల డేటా మాత్రమే కాకుండా ప్రభుత్వ వెబ్‌సైట్‌లు, వ్యాపార ఇమెయిల్‌లు, విపిఎన్, సోషల్ మీడియా ఖాతాల డేటా కూడా ప్రమాదంలో పడుతుందని నిపుణులు హెచ్చరించారు.
2025 ప్రారంభం నుండి ఇప్పటి వరకూ ఇంటర్నెట్‌ను కుదిపేసిన అతిపెద్ద డేటా లీక్‌లలో ఇదొకటిగా చెబుతున్నారు. తాజా నివేదికల ప్రకారం, ఈసారి లీకైన పాస్‌వర్డ్‌లు కేవలం పాతవే కాకుండా ఇటీవల మార్చబడిన పాస్‌వర్డ్‌లు కూడా ఉన్నాయి. అంటే భద్రత కోసం ఇటీవలే ఖాతాలను నవీకరించిన వినియోగదారులు కూడా ప్రమాదంలో ఉన్నారు.
సైబర్ భద్రతా పరిశోధకులు విశ్లేషించిన 30 కి పైగా లీకైన డేటాబేస్‌లు కలిపి, 350 కోట్లకు పైగా రికార్డులు బయటపడినట్టు తేలింది.
ఈ లీక్ వాస్తవానికి చాలామంది వినియోగదారుల వ్యక్తిగత డేటాను, లాగిన్ వివరాలను, పాస్‌వర్డ్‌లను తీవ్రమైన భద్రతా ముప్పులోకి నెట్టేసింది. ముఖ్యంగా రెండు లేదా అంతకంటే ఎక్కువ ఖాతాల్లో ఒకే పాస్‌వర్డ్ వాడే వారు అత్యధికంగా ప్రభావితమయ్యే అవకాశం ఉంది.
గూగుల్ సలహా
ఈ తీవ్రమైన పరిస్థితిని దృష్టిలో ఉంచుకుని, గూగుల్ వినియోగదారులకు కొన్ని ముఖ్యమైన సూచనలను జారీ చేసింది. ముందుగా, ఇమెయిల్, బ్యాంకింగ్ మరియు సోషల్ మీడియా వంటి మీ ముఖ్యమైన ఖాతాల పాస్‌వర్డ్‌లను వెంటనే మార్చుకోవాలి.
పెద్ద అక్షరాలు, సంఖ్యలు, ప్రత్యేక అక్షరాలతో సహా బలమైన పాస్‌వర్డ్‌లను ఎంచుకోండి.
అదనపు భద్రత కోసం రెండు-కారకాల ప్రామాణీకరణ (2FA)ని ఆన్ చేయండి.
ఫిషింగ్ మరియు పాస్‌వర్డ్ దొంగతనం నుండి రక్షించుకోవడానికి “పాస్‌కీ” వంటి లక్షణాలను ఉపయోగించండి.
అనుమానాస్పద లింక్‌లపై క్లిక్ చేయడం మానుకోండి.
మీ వ్యక్తిగత సమాచారాన్ని తెలియని ఇమెయిల్ లేదా సందేశాలలో పంచుకోవద్దు.
ఒక్క ఖాతా మాత్రమే కాదు, మొత్తం డిజిటల్ జీవితమే ప్రమాదంలో ఉంది
ఈ డేటా లీక్ కేవలం ఒక సేవకే పరిమితం కాదు. గూగుల్, ఆపిల్, ఫేస్‌బుక్, టెలిగ్రామ్, అనేక కార్పొరేట్ నెట్‌వర్క్‌ల వినియోగదారులు ప్రమాదంలో ఉన్నారు. చాలా మంది ఒకే పాస్‌వర్డ్‌ను అనేక చోట్ల ఉపయోగిస్తున్నారు. దీని వల్ల పెద్ద ప్రమాదం ఉంది, ఎందుకంటే ఒక పాస్‌వర్డ్ లీక్ అయితే, అనేక ఖాతాలు ఒకేసారి హ్యాక్ అవుతాయి.