Hyundai Ioniq 5 Car: కార్ల కంపెనీలు తమ అమ్మకాలను పెంచడానికి భారీ తగ్గింపులను ఇస్తున్నా స్పందన అంతంతే ఉంది. హ్యుందాయ్ ఐకానిక్ 5 దాని డిజైన్, బ్యాటరీ శ్రేణి, లక్షణాల పరంగా ఒక అధునాతన ఎలక్ట్రిక్ కారుగా పేరుంది. కానీ దాని అధిక ధర కారణంగా అమ్మకాలు ఆశించినంతా లేవు. కంపెనీ తన అమ్మకాలను పెంచడానికి భారీ డిస్కౌంట్లను కూడా ఇచ్చింది. కానీ దీని తర్వాత కూడా అమ్మకాలలో ఎటువంటి మెరుగుదల లేదు. గత నెల మేలో హ్యుందాయ్ ఐకానిక్ 11 యూనిట్లను మాత్రమే విక్రయించింది, గత సంవత్సరం ఇదే నెలలో ఈ సంఖ్య 42 యూనిట్లు ఉంది. ఈసారి ఇది 31 యూనిట్లు తక్కువగా అమ్ముడైంది.
హ్యుందాయ్ ఐకానిక్ వృద్ధి 74% తగ్గడంతో ఇది భారీ నష్టంగా పరిగణిస్తోంది. గత నెలలో హ్యుందాయ్ ఐకానిక్ పై రూ. 4 లక్షల వరకు డిస్కౌంట్లను అందించింది. అమ్మకాలు ఎలా పెరుగుతాయో ఆలోచించి కంపెనీ ఈ డిస్కౌంట్ ప్రకటించింది. ప్రస్తుత పరిస్థితి ఏమిటంటే డీలర్ల వద్ద గత సంవత్సరం నుండి పాత స్టాక్ ఉంది. ఈ సంవత్సరం స్టాక్ కూడా నెమ్మదిగా పెరుగుతోంది. భారీ డిస్కౌంట్ల తర్వాత కూడా ఈ కారు అమ్మకాలు పెరగడానికి బదులుగా తగ్గుతున్నాయి.
హ్యుందాయ్ ఐకానిక్ ఎక్స్ షోరూమ్ ధర రూ. 46.05 లక్షలు.. దీనిపై రూ. 4 లక్షల తగ్గింపు కూడా ఉంది. ఈ కారు ధర చాలా ఎక్కువగా ఉంది, అందుకే కస్టమర్లు దీనికి దూరంగా ఉన్నారు. హ్యుందాయ్ ఐకానిక్ 72.6 kWh బ్యాటరీని కలిగి ఉందని, దీనిని ఒకసారి పూర్తిగా ఛార్జ్ చేస్తే, ఈ కారు 631 కి.మీ వరకు ప్రయాణించగలదని చెప్పడం గమనార్హం.DC ఫాస్ట్ ఛార్జర్‌తో, కేవలం 18 నిమిషాల్లో 10 నుండి 80 శాతం వరకు ఛార్జింగ్ చేయవచ్చు. అయితే AC ఛార్జర్ సహాయంతో పూర్తిగా ఛార్జ్ చేయడానికి దాదాపు 7 గంటలు పడుతుంది.