Smart Phones: చాలా రోజులుగా కొత్త స్మార్ట్‌ఫోన్ కొనాలని ఆలోచిస్తుంటే, మీకో గుడ్ న్యూస్. ఆగస్టు 18- ఆగస్టు 24 మధ్య అనేక గొప్ప స్మార్ట్ ఫోన్ బ్రాండ్‌లు తమ స్మార్ట్‌ఫోన్‌లను విడుదల చేయడానికి సిద్ధమవుతున్నాయి. ఇందులో షియోమి రెడ్‌మి 15 5G, గూగుల్ హై-ఎండ్ పిక్సెల్ 10 సిరీస్ ఉండటం విశేషం. దీనితో పాటు రియల్‌మీ కూడా తమ కొత్త పరికరాన్ని విడుదల చేయబోతోంది. ఇపుడు ఈ స్మార్ట్ ఫోన్లకు సంబంధించి ఫీచర్లు, లాంచ్ తేదీలు గురించి వివరంగా తెలుసుకుందాం.

Redmi 15 5G

రెడ్‌మి తన కొత్త ఫోన్‌ను రెడ్‌మి15 5G ను ఆగస్టు 19న లాంచ్ చేయబోతోంది. ఈ ఫోన్‌లో 6.9-అంగుళాల ఫుల్ HD ప్లస్ LCD డిస్‌ప్లే ఉండవచ్చు. అలాగే, 144Hz రిఫ్రెష్ రేట్‌కు మద్దతు కూడా అందుబాటులో ఉంటుంది. ఈ ఫోన్ స్నాప్‌డ్రాగన్ 6s Gen 3 చిప్‌సెట్ ఉంటుంది. బ్యాటరీ విషయానికి వస్తే దీనిలో 7000mAh బిగ్ బ్యాటరీ అందుబాటులో ఉంటుంది. ఈ ఫోన్‌లో 50-మెగాపిక్సెల్ డ్యూయల్ రియర్ కెమెరా ఉంటుంది. దీని ధర రూ.20000 కంటే తక్కువగా ఉండవచ్చని సమాచారం.

Also read: Top 3 Mobiles Under 30K: రూ.30 వేలల్లో వచ్చే టాప్ 3 స్మార్ట్‌ఫోన్‌లు..

HONOR X7c 5G

హానర్ తన గొప్ప స్మార్ట్‌ఫోన్‌ను ఆగస్టు 18న మార్కెట్లో విడుదల చేయబోతోంది. కంపెనీ దీని హానర్ X7c 5Gగా తీసుకొస్తోంది. ఈ పరికరంలో 120Hz రిఫ్రెష్ రేట్‌తో గొప్ప డిస్‌ప్లేను అందించారు. దీనితో పాటు, ఈ పరికరాన్ని స్నాప్‌డ్రాగన్ 4 జెన్ 2 చిప్‌సెట్‌తో లాంచ్ చేయవచ్చు. కెమెరా గురించి చెప్పాలంటే 50-మెగాపిక్సెల్ AI- పవర్డ్ డ్యూయల్ రియల్ కెమెరాను కూడా ఈ పరికరంలో చూడవచ్చు. ఈ ఫోన్ 5200mAh బిగ్ బ్యాటరీని పొందుతుంది.

Google Pixel 10 Series

గూగుల్ తన హై-ఎండ్ ఫ్లాగ్‌షిప్ సిరీస్ గూగుల్ పిక్సెల్ 10 సిరీస్‌ను ఆగస్టు 20న మార్కెట్లోకి లాంచ్ చేయనున్నది. కంపెనీ ఈ సిరీస్ కింద.. పిక్సెల్ 10, పిక్సెల్ 10 ప్రో, పిక్సెల్ ప్రో XL, పిక్సెల్ 10 ప్రో ఫోల్డ్ వంటి 4 కొత్త పరికరాలను విడుదల చేయనుంది. ఈ అన్ని పరికరాల డిజైన్, ఫీచర్లు ఇప్పటికే వెల్లడయ్యాయి. ధర గురించి మాట్లాడితే, పిక్సెల్ 10 ప్రారంభ ధర దాదాపు రూ. 80 వేల నుండి ప్రారంభమవగా, ఫోల్డ్ పరికరం ధర రూ. 1 లక్ష 80 వేల వరకు ఉండవచ్చు.

Realme P4 Pro

రియల్‌మీ తన పి4 సిరీస్ కింద తమ కొత్త స్మార్ట్‌ఫోన్‌ ఆగస్టు 20న విడుదల చేయబోతోంది. కంపెనీ ఇందులో 6.77 అంగుళాల అమోలేడ్ డిస్‌ప్లేను అందించింది. ఈ పరికరం స్నాప్‌డ్రాగన్ 7 జెన్ 4 చిప్‌సెట్, బిగ్ 7000mAh బ్యాటరీని కలిగి ఉంటుంది. అలాగే, ఫోన్ 80W ఫాస్ట్ ఛార్జింగ్‌కు మద్దతును కూడా పొందవచ్చు.