Revanth Reddy Comments On Chandrababu: తెలంగాణ సీఎం రేవంత్ రెడ్డి, ఏపీ మాజీ సీఎం చంద్రబాబు నాయుడును బహిరంగంగా ప్రశంసించారు. హైదరాబాద్‌ను ప్రపంచ ఐటీ కేంద్రంగా మార్చిన ఘనత చంద్రబాబుదేనని సీఎం రేవంత్ తెలిపారు. 1990లలో చంద్రబాబు హైటెక్ సిటీని ఊహించి, దాన్ని అభివృద్ధి చేసి హైదరాబాద్‌కు గ్లోబల్ గుర్తింపు తెచ్చారని కొనియాడారు. “హైటెక్ సిటీ వెనుక చంద్రబాబు విజన్ ఉంది. ఈ క్రెడిట్ ఆయనకే దక్కాలని” రేవంత్ స్పష్టం చేశారు.

ALSO READ: Sarthak Sachdeva : సల్మాన్, షారూఖ్ నకిలీ ఆటోగ్రాఫ్స్.. ఒక్కరోజులోనే వేలల్లో సంపాదన

“చంద్రబాబు 1995-2004 మధ్య ఉమ్మడి ఆంధ్రప్రదేశ్ సీఎంగా ఉండగా, హైటెక్ సిటీ, సైబర్ టవర్స్ వంటి ప్రాజెక్టులతో హైదరాబాద్‌ను ఐటీ హబ్‌గా మార్చారు. మైక్రోసాఫ్ట్ వంటి గ్లోబల్ కంపెనీలను ఆకర్షించి, లక్షల ఉద్యోగాల సృష్టికి బీజం వేశారు. చంద్రబాబు విధానాలు యువ రాజకీయ నాయకులకు, తనకూ స్ఫూర్తినిచ్చాయని” చెప్పారు. రాజకీయంగా వేరే దారుల్లో ఉన్నప్పటికీ, ఇద్దరి మధ్య పరస్పర గౌరవం స్పష్టంగా కనిపిస్తుంది.

ఈ ప్రశంసలు హైదరాబాద్ అభివృద్ధిలో చంద్రబాబు కీలక పాత్రను గుర్తు చేశాయి. హైటెక్ సిటీ ద్వారా హైదరాబాద్ గ్లోబల్ ఐటీ మ్యాప్‌లో చేరింది. ప్రస్తుతం హైదరాబాద్ ఐటీ ఎగుమతులు రూ.2.68 లక్షల కోట్లను దాటాయి. రేవంత్ ఈ సందర్భంగా తెలంగాణ ఐటీ రంగాన్ని మరింత బలోపేతం చేయాలని సంకల్పించారు.