Nilofar Cafe: హైదరాబాద్‌లోని నాంపల్లి నీలోఫర్ కేఫ్ వద్ద ఓ కారు బీభత్సం సృష్టించింది. అతి వేగంగా వచ్చిన కారు రోడ్డు పక్కన నిలబడ్డ వారిని ఢీకొట్టింది. ఈ ఘటనలో 11 మందికి తీవ్ర గాయాలయ్యాయి. అలాగే రోడ్డు పక్కన పార్క్ చేసిన పలు వాహనాలు పాక్షికంగా ధ్వంసం అయ్యాయి. కారు వదిలేసి పారిపోతున్న డ్రైవర్‌ను స్థానికులు పట్టుకుని చితకబాదారు. ప్రమాదంపై సమాచారం అందుకున్న పోలీసులు డ్రైవర్‌ను అదుపులోకి తీసుకున్నారు.
- Advertisement -
మితిమీరిన వేగంతో పాటు నిర్లక్ష్యంగా కారు నడపడటమే ప్రమాదానికి కారణమని గుర్తించారు. నిర్లక్ష్యపు డ్రైవింగ్‌తో ప్రజల ప్రాణాలతో చెలగాటం ఆడిన డ్రైవర్‌పై హత్యాయత్నం కేసులు నమోదుచేశారు. ఈ ప్రమాదంలో 11 మందికి కాళ్లు, చేతులు విరిగినట్లు సమాచారం. క్షతగాత్రులను ఆసుపత్రికి తరలించారు. ఘటన స్థలానికి భారీగా చేరుకున్న యువకులను పోలీసులు చెదరగొట్టారు.
