చేగుంట మండల కేంద్రంలో రిషి మెమోరియల్ స్కూల్ ఆధ్వర్యంలో శ్రీకృష్ణ జన్మాష్టమి వేడుకలు నిర్వహించారు. ఈ కార్యక్రమంలో విద్యార్థిని విద్యార్థులు శ్రీకృష్ణుడు, గోపిక వేషధారణలో కృష్ణుని జన్మదిన వేడుకలు ఎంతో ఉత్సాహంగా ఉల్లాసంగా జరిపారు.
ఈ కార్యక్రమంలో విద్యార్థుల నృత్యాలతో పాటు ఉట్టి పగలగొట్టి కృష్ణుని చిలిపి చేష్టలు చూపిస్తూ పండగ వాతావరణం కల్పించారు. ప్రతి సంవత్సరం ఈ విధంగా శ్రీకృష్ణ జన్మాష్టమి వేడుకలను రిషి మెమోరియల్ స్కూల్ ఆధ్వర్యంలో నిర్వహిస్తున్నామని ప్రిన్సిపల్-కరస్పాండెంట్ సత్యనారాయణ చైర్ పర్సన్ సుష్మ తెలియజేశారు.
శ్రీకృష్ణుని పుట్టినరోజు నాడు కృష్ణుని వేషధారణతో పిల్లలు తమ తల్లిదండ్రులను సంతోషపెట్టడం ఆనవాయితీ. విద్యార్థులు తమ తమ విద్యాసంస్థలలో ఇలాంటి కార్యక్రమాల్లో పాల్గొనడంతో మానసిక సంతోషాన్ని పొంది, చదువు పట్ల ఇష్టాన్ని పెంపొందించుకుంటారు.
