తెలంగాణ సీఎం రేవంత్ రెడ్డి(CM Revanth Reddy) రేపు(శుక్రవారం) జిల్లా కలెక్టర్లతో సమావేశం(Collectors Meeting) కానున్నారు. శుక్రవారం మధ్యాహ్నం సచివాలయంలో అన్ని జిల్లాల కలెక్టర్లతో జరగనున్న భేటీలో సీఎం పాల్గొననున్నారు. ఈ సమావేశంలో ముఖ్యంగా రైతు భరోసా, రేషన్ కార్డులు, ఇందిరమ్మ ఇండ్లు, ఇందిరమ్మ ఆత్మీయ భరోసా, అభివృద్ధి కార్యక్రమాలపై చర్చించనున్నారు.
- Advertisement -
త్వరలో జరగనున్న స్థానిక సంస్థల ఎన్నికల నేపథ్యంలో ప్రభుత్వ పథకాల గురించి ప్రజల్లోకి విస్తృతంగా తీసుకువెళ్లేందుకు నాయకులు, కార్యకర్తలు, అధికారులకు సూచించారు. ఈ క్రమంలో ప్రభుత్వ పథకాలు, అభివృద్ధి, ఎలాంటి కార్యక్రమాలు చేపట్టాలి అనే అంశాల మీద కలెక్టర్లతో చర్చించనున్నారు.
