Telangana Olympic Association: తెలంగాణ ఒలింపిక్‌ సంఘం అధ్యక్షుడిగా మాజీ ఎంపీ జితేందర్ రెడ్ఢి(Jit‌hender Reddy) ఘన విజయం సాధించారు. అధ్యక్షుడి స్థానానికి జరిగిన ఎన్నికల్లో తెలంగాణ బ్యాడ్మింటన్‌ సంఘం ఉపాధ్యక్షుడు చాముండేశ్వర్‌నాథ్‌(Chamundeshwarnath)పై జితేందర్ గెలుపొందారు. ఈ పదవికి వీరిద్దరూ మాత్రమే నామినేషన్ వేశారు. అయితే ఉపాధ్యక్ష స్థానానికి కూడా చాముండేశ్వర్‌నాథ్‌ నామినేషన్ వేయడం గమనార్హం. ఇక ప్రధాన కార్యదర్శి పదవికి మల్లారెడ్డి, బాబురావు, ప్రదీప్ కుమార్ నామినేషన్లు వేశారు.

ఈ ఎన్నికలలో ⁠⁠జితేందర్ రెడ్డికి 43 ఓట్లు రాగా, చాముండేశ్వర్ నాథ్‌కు కేవలం 9 ఓట్లు మాత్రమే పోలయ్యాయి. దీంతో జితేందర్ రెడ్డి 34 ఓట్ల తేడాతో విజయం అందుకున్నారు. కార్యదర్శి పదవికి జరిగిన ఎన్నికలో మల్లారెడ్డికి 40 ఓట్లు రాగా, బాబురావుకు 12 ఓట్లు నమోదయ్యాయి. దీంతో మల్లారెడ్డి 28 ఓట్ల తేడాతో విజయం సాధించారు.