దేశ స్వాతంత్రం కోసం ప్రజల్లో జాతీయ భావాన్ని రేకెత్తించి బ్రిటిష్ సామ్రాజ్యాన్ని గడగడలాడించిన పార్టీ కాంగ్రెస్ పార్టీ అని కాంగ్రెస్ పార్టీ మండల అధ్యక్షులు ధనియాకుల రామారావు, జడ్పిటిసి ఝాన్సీ లక్ష్మి, జిల్లా నాయకులు గుండా వెంకట్ రెడ్డిలు అన్నారు. కాంగ్రెస్ పార్టీ 139వ ఆవిర్భావ దినోత్సవాన్ని పురస్కరించుకొని గార్ల మండల కేంద్రంలోని స్థానిక కాంగ్రెస్ పార్టీ కార్యాలయంలో కాంగ్రెస్ పార్టీ మండల అధ్యక్షులు ధనియాకుల రామారావు ఆధ్వర్యంలో ఆవిర్భావ వేడుకలను ఘనంగా నిర్వహించారు. తొలుత పార్టీ జెండాను ఆవిష్కరించి, కేక్ కట్ చేసి కార్యకర్తలకు పంపిణీ చేశారు. ఈ సందర్భంగా వారు మాట్లాడుతూ దేశానికి స్వాతంత్రం తేవడమే కాకుండా తెలంగాణ ప్రజల 60 ఏళ్ల ఆకాంక్షలను తీర్చినా అది కాంగ్రెస్ పార్టీ వల్లనే సాధ్యమైందని, సర్వమత సామరస్యం, శాంతి సమరస్యాలతో దేశానికి ఒక దిశా నిర్దేశం చేసిన పార్టీ కాంగ్రెస్ అని కొనియాడారు.
తెలంగాణలో కాంగ్రెస్ పార్టీ కార్యకర్తల కృషి ఫలితంగా ప్రజలు మార్పు కోసం దొరల పాలన అంతం చేసి ప్రజా పాలనే లక్ష్యంగా కాంగ్రెస్ పార్టీ అధికారంలోకి వచ్చిందని, రాబోయే పార్లమెంట్ ఎన్నికలలో కాంగ్రెస్ పార్టీని విజయ తీరాలకు తీసుకెళ్లి రాహుల్ గాంధీని ప్రధాని చేయాలని కోరారు.
ఈ కార్యక్రమంలో కాంగ్రెస్ పార్టీ సీనియర్ నాయకులు బాపనపల్లి సుందర్, హతిరం మాజీ మార్కెట్ కమిటీ చైర్మన్ భూక్య నాగేశ్వరరావు, ఎస్ కే పాషా, మండ రాము గౌడ్ పాలేరు, వెంకటేశ్వర్లు, గులగట్టు బాబు, కాంగ్రెస్ పార్టీ మహిళా నాయకురాలు ఎనముల గంగ, హరి కోన కుమార్ గౌడ్, వీరస్వామి, గుడి చుట్టూ నవీన్ తదితరులు పాల్గొన్నారు.
