రామగుండం పోలీస్ కమిషనరేట్ కార్యాలయంలో పోలీస్ అధికారులతో కలిసి వాల్ పోస్టర్‌ అవిష్కరించిన రామగుండం పోలీస్ కమిషనర్. మావోయిస్టులకు సహకరించొద్దంటూ మావోయిస్టుల వివరాలతో పోస్టర్లు కరపత్రాలను విడుదల చేశారు. పోస్టర్లో ఉన్నవారి గురించి తెలిస్తే.. పోలీసులకు సమాచారం ఇవ్వాలని సూచించారు. లేకపోతే.. ఫోన్ నెంబర్లు : సి.పి. రామగుండం- 08728 271333, డి.సి.పి. పెద్దపల్లి- 8712656502, డి.సి.పి. మంచిర్యాల- 8712656503, ఎన్.ఐ.బి 8712656596,నంబర్లకు ఫోన్ చేసి సమాచారం అందించాలని విజ్ఞప్తి చేశారు.
మావోయిస్టుల గురించి సమాచారం తెలియజేసిన వారికి పోస్టర్లలో ఉన్న విధంగా నగదు బహుమతి అందిస్తామని పోలీసులు స్పష్టం చేశారు. సమాచారం ఇచ్చిన వారి వివరాలు గోప్యంగా ఉంటాయని భరోసా ఇచ్చారు. అదేవిధంగా అజ్ఞాతంలో ఉన్నటువంటి మావోయిస్టు సోదరులు పోరాటం చేయాల్సింది అడవిలో కాదు ప్రజా జీవనంలోకి వచ్చి ప్రజా సమస్యలపై చట్టబద్దంగా పోరాడాలని ప్రజలచే ఎన్నుకోబడి చట్టసభల్లోకి ఎన్నికై పోలీసుల గౌరవ వందనం పొందాలనీ సి.పి. అన్నారు.
రామగుండం పోలీస్ కమిషనర్ శ్రీనివాస్ మంచిర్యాల డిసిపి అశోక్ కుమార్ ఐ.పి.ఎస్, స్పెషల్ బ్రాంచ్ ఏసిపి రాఘవేంద్రరావుతో పాటు అధికారులు పాల్గోన్నారు.
