అల్లు అర్జున్ అరెస్ట్ నేపథ్యంలో సంధ్య థియేటర్‌లో మృతి చెందిన రేవతి భర్త సంచలన ప్రకటన చేశారు. తొక్కిసలాట ఘటనలో అల్లు అర్జున్ తప్పేమీ లేదని తెలిపారు. బన్నీని అరెస్టు చేసిన విషయాన్ని పోలీసులు తనకు చెప్పలేదని పేర్కొన్నారు. ఆయన అరెస్ట్ అయిన విషయాన్ని టీవీలో చూసి తెలుసుకున్నానని చెప్పారు. అందుకే తాను పెట్టిన కేసును విత్‌డ్రా చేసుకోవడానికి సిద్ధంగా ఉన్నానని.. అల్లు అర్జున్‌ను విడుదల చేయాలని కోరారు.
- Advertisement -
కాగా అల్లు అర్జున్ హీరోగా నటించిన ‘పుష్ప-2’ సినిమా ప్రీమియర్స్ షో డిసెంబర్ 4న ఆర్టీసీ క్రాస్ రోడ్డు సంధ్య థియేటర్‌లో ప్రదర్శించారు. అయితే ఈ షోకి అల్లు అర్జున్, హీరోయిన్ రష్మిక, అల్లు అర్జున్ ఫ్యామిలీ వచ్చారు. ఈ సందర్భంగా జరిగిన తొక్కిసలాటలో దిల్‌సుఖ్ నగర్‌కి చెందిన రేవతి అనే మహిళ మరణించిన సంగతి తెలిసిందే.
