యాదవుల ఐక్యతను చాటే వేడుక సదర్ ఉత్సవాలని మాజీమంత్రి, సనత్ నగర్ ఎమ్మెల్యే తలసాని శ్రీనివాస్ యాదవ్ అన్నారు. నగరంలోని మాదాపూర్, ఖైరతాబాద్ లోని బడా గణేష్ మండపం వద్ద, బోయిన్ పల్లి, చంచల్ గూడ, అమీర్ పేట లలో యాదవ సంఘాల ఆద్వర్యంలో నిర్వహించిన సదర్ ఉత్సవాలలో మాజీమంత్రి, సనత్ నగర్ ఎమ్మెల్యే తలసాని శ్రీనివాస్ యాదవ్, హుజూరాబాద్ ఎమ్మెల్యే పాడి కౌశిక్ రెడ్డి తో కలిసి పాల్గొన్నారు.
ఈ సందర్భంగా ఎంతో సుందరంగా ముస్తాబు చేసిన దున్నపోతుల విన్యాసాలను తిలకించారు. శ్రీ కృష్ణుని వారసులైన యాదవులు దీపావళి పండుగ తర్వాత ప్రతి సంవత్సరం ఈ సదర్ ను ఎంతో ఘనంగా నిర్వహించడం ఆనవాయితీగా వస్తుందని వివరించారు. సదర్ ఉత్సవాల సందర్భంగా నిర్వహించే దున్నపోతుల విన్యాసాలను చూసేందుకు అన్ని వర్గాల ప్రజలు పెద్ద ఎత్తున వస్తారని తెలిపారు. ఆయా ప్రాంతాల్లో నిర్వహకులు శాలువాతో ఘనంగా సన్మానించి మెమెంటోలను అందజేశారు.