Special Trains: ప్రయాణికుల పెరుగుతున్న రద్దీకి అనుగుణంగా దక్షిణ మధ్య రైల్వే (South Central Railway) కీలక నిర్ణయం తీసుకుంది. ప్రస్తుతం నడుస్తున్న 54 ప్రత్యేక రైళ్లను ఈ ఏడాది అక్టోబర్ 15వ తేదీ వరకు పొడిగిస్తున్నట్టు అధికారులు వెల్లడించారు. సీఎర్పీఆర్ఓ (CPRO) శ్రీధర్ అందించిన సమాచారం ప్రకారం, కాచిగూడ-మధురై (07191/07192), హైదరాబాద్-కొల్లం (07193/07194), హైదరాబాద్-కన్యాకుమారి (07230/07239) మార్గాల్లో నడుస్తున్న ప్రత్యేక రైళ్ల సేవలను ప్రయాణికుల సౌకర్యార్థం కొనసాగిస్తున్నట్టు చెప్పారు. అంతేకాక, దసరా, దీపావళి పండుగల నేపథ్యంలో ప్రయాణ దట్టతను దృష్టిలో పెట్టుకుని దక్షిణ మధ్య రైల్వే మరో 38 ప్రత్యేక రైళ్లను తాత్కాలికంగా నడిపించనుంది. ఇందులో భాగంగా, క్రింది మార్గాల్లో రైళ్ల సేవలు అందుబాటులో ఉండనున్నాయి:
సికింద్రాబాద్-తిరుపతి మధ్య 10 రైళ్లు
కాచిగూడ-నాగర్‌సోల్ మధ్య 8 రైళ్లు
నాందేడ్-తిరుపతి మధ్య 10 రైళ్లు
నాందేడ్-ధర్మవరం మధ్య 10 రైళ్లు
ఈ రైళ్లు ముఖ్యంగా ఆంధ్రప్రదేశ్‌, తెలంగాణ, మహారాష్ట్ర, తమిళనాడు రాష్ట్రాల మధ్య ప్రయాణించే వారికి మేలు చేస్తాయి. ప్రయాణికులు తమ ప్రయాణానికి సంబంధించి టికెట్లను ముందుగానే బుక్ చేసుకోవాలని రైల్వే అధికారులు సూచించారు. ఈ రైళ్ల షెడ్యూల్, ప్లాట్‌ఫామ్ నంబర్లు, స్టాపేజ్ వివరాలు తదితర సమాచారం కోసం ప్రయాణికులు అధికారిక రైల్వే వెబ్‌సైట్ లేదా IRCTC యాప్‌ను సందర్శించవచ్చు. అలాగే, 139 నంబర్‌కు కాల్ చేసి కూడా సమాచారం పొందవచ్చు.
