తెలంగాణ పీఈ సెట్(PE CET), ఎడ్ సెట్(ED CET) షెడ్యూల్‌ను రాష్ట్ర ఉన్నత విద్యా మండలి ప్రకటించింది. మార్చి 12న పీఈ సెట్..మార్చి 10న ఎడ్‌సెట్‌ నోటిఫికేషన్‌ విడుదల చేయనున్నట్లు వెల్లడించింది. మార్చి 15 నుంచి మే 24 వరకు పీఈ సెట్ దరఖాస్తులు స్వీకరించనున్నట్లు తెలిపింది. అపరాధ రుసుంతో మే 30 వరకు ఆన్‌లైన్‌లో దరఖాస్తు చేసుకొనేందుకు అవకాశం కల్పించినట్లు పేర్కొంది. జూన్ 11 నుంచి 14 వరకు పరీక్షలు జరగనున్నాయని చెప్పింది.
ఇక తెలంగాణ ఎడ్‌సెట్‌ నోటిఫికేషన్‌ను మార్చి 10న విడుదల చేయనున్నారు. మార్చి 12 నుంచి మే 13 వరకు దరఖాస్తులు స్వీకరించనున్నట్లు పేర్కొంది. జూన్ 1న ఉదయం, మధ్యాహ్నం రెండు సెషన్లలో పరీక్షలు జరగనున్నాయని వెల్లడించింది. కాగా బీఈడీ (B.Ed) కాలేజీల్లో ప్రవేశాల కోసం ఈ పరీక్ష నిర్వహిస్తారు. ఉదయం 10:00 గంటల నుంచి మధ్యాహ్నం 12:00 గంటల వరకు తొలి సెక్షన్, మధ్యాహ్నం 2:00 గంటల నుండి సాయంత్రం 4:00 గంటల వరకు రెండవ సెషన్ జరుగనుంది.
