కరీంనగర్ జిల్లా తిమ్మాపూర్ మండలం పోలంపల్లి గ్రామ పంచాయతీలో పారిశుద్ధ్య కార్మికుడిగా విధులు నిర్వహిస్తున్న ఖమ్మం తిరుపతి ఇటీవల అనారోగ్యంతో చనిపోగా, తాజా మాజీ సర్పంచ్ బొజ్జ తిరుపతి మృతుడి కుటుంబ సభ్యులకు 5 వేల ఆర్థిక సాయం అందజేశారు. మృతుడి భార్య ఖమ్మం నర్సవ్వ పేరిట ఫిక్స్ డిపాజిట్ చేసి, బాండ్ పేపర్ ను కుటుంబ సభ్యులకు అందించారు.
- Advertisement -
ఈ సందర్భంగా మాజీ సర్పంచ్ బొజ్జ తిరుపతి మాట్లాడుతూ, ఇంటి పెద్దదిక్కును కోల్పోయిన కుటుంబానికి తనవంతు సహాయ సహకారాలు అందిస్తానని హామీ ఇచ్చారు. ఈ కార్యక్రమంలో బీఆర్ఎస్ గ్రామశాఖ అధ్యక్షుడు ఖమ్మం కృష్ణ, అంబేద్కర్ యువజన సంఘం అధ్యక్షులు, ప్రధాన కార్యదర్శి, వార్డు మాజీ సభ్యులు పాల్గొన్నారు.
