Narajuna Ratings: బిగ్ బాస్ శనివారం నాటి ఎపిసోడ్‌లో నాగార్జున హోస్టింగ్ ఉందబ్బా.. అదుర్స్ అంతే. హౌస్‌లో ఉన్న కంటెస్టెంట్స్ మంచి మంచి ఇన్ పుట్స్ ఇస్తూ.. మంచిగా ఆడే వాళ్లని ప్రోత్సహిస్తూ.. ఆడలేకపోతున్న వాళ్లు ఏ విషయంలో వెనుకపడుతున్నారో చెప్పుకొస్తూ వాళ్లని సరిచేస్తూ ది రియల్ హోస్ట్ అనిపించారు. 28 వ ఎపిసోడ్‌లో ముందుగా సంజనా దొంగ నాటకాలు.. దానికి సంబంధించి పనిష్‌మెంట్‌పై చర్చ నడిచింది. హౌస్‌కి కెప్టెన్ అయిన రాముపై ప్రశంసలు కురిపిస్తూ.. ఇక్కడ నుంచి చూపించి ఎక్కడ నుంచి వచ్చావో అని అన్నారు. ఆ తరువాత మాస్క్ మెన్ హరీష్‌తో వాయింపు స్టార్ట్ చేశారు.హరీష్ గారూ మీరు వచ్చారేంటీ.. మీ ఫేవరేట్ బీమ్ బ్యాగ్ వెయిట్ చేస్తుంది. దానిపై కూర్చుని సేదతీరండి. మీకోసం వెయిట్ చేస్తుంది.. మేం మాట్లాడుకుంటాం లే.. మీరు వెళ్లిపోండి. టాస్క్‌లు జరుగుతున్నా అక్కడే కూర్చొంటారు. గొడవలు అవుతున్నా అక్కడే ఉంటారు. లేదంటే ఔట్ హౌస్‌కి వెళ్లిపోతారు. రాము వెళ్లి ఆయనకి ఇష్టమైన బీమ్ బ్యాగ్ తీసుకుని రా.. కూర్చొంటారు అని రాముతో రప్పించి మరీ దానిపై కూర్చోబెట్టారు నాగార్జున.
ఫస్ట్ గోల్డెన్ స్టార్.. అదరగొడుతున్నావయ్యా ఇమ్మూ
ఆ తరువాత హౌస్‌లో ఉన్న కంటెస్టెంట్స్‌కి పెర్ఫామెన్స్ ఆధారంగా గోల్డ్, సిల్వర్, బ్లాక్ స్టార్లు ఇచ్చారు నాగార్జున. ఈ నాలుగు వారాల్లో గేమ్‌లో ఇంపాక్ట్ క్రియేట్ చేసిన వాళ్లకి గోల్డెన్ స్టార్ వస్తుందని.. ఎలాంటి ఇంపాక్ట్ క్రియేట్ చేయని వాళ్లకి బ్లాక్ స్టార్ వస్తుందని.. అలాగే ఆటలో కాస్తో కూస్తో ఇంప్రూమెంట్ ఉన్న వాళ్లకి సిల్వర్ స్టార్ వస్తుందని చెప్పారు. మొదటిగా గోల్డెన్ స్టార్‌ని ఇమ్మానుయేల్ ఇచ్చారు నాగార్జున. నువ్వు అన్ని రకాలుగానూ అద్దరగొడుతున్నావ్.. నవ్విస్తున్నావ్.. ఆట ఇరగదీస్తున్నావ్.. చెప్పాలనుకున్న విషయాన్ని చెప్తున్నావ్. పక్క వాళ్లకి సపోర్ట్‌గా ఉంటున్నావ్’ అని ఆకాశానికి ఎత్తేశారు నాగార్జున. నువ్వు ఇలాగే ముందుకు వెళ్లాలంటే ముందు మీ మమ్మీ నుంచి కాస్త దూరంగా ఉండాలి అంటూ సూపర్ సలహా ఇచ్చారు నాగార్జున.
శ్రీజకు షాక్..
ఆ తరువాత శ్రీజాని లేపి.. నువ్వే ఏ స్టార్‌కి అర్హురాలివి అని అడిగారు. దాంతో శ్రీజ.. ‘సిల్వర్ స్టార్’ అని అన్నది. దాంతో నాగార్జున.. ‘తనని తాను తెలుసుకున్నవాళ్లే జ్ణాని.. నువ్వు కొన్ని కొన్నిసార్లు ముందు ఒక మాట.. వెనుక ఒకమాట చెప్తున్నావ్. ఇక్కడిమాటలు అక్కడ.. అక్కడ మాటలు ఇక్కడ చెప్తావ్. డీమాన్ దగ్గరకు వెళ్లి నువ్వు ఎవర్ని తీయాలనుకున్నావో ఎందుకు చెప్పావ్ అని అడిగారు. కళ్యాణ్ లేకపోతే.. రీతూని తీస్తానని అన్నది సార్.. అందుకే నేను ముందే కళ్యాణ్‌ని తీసేశాను సార్ అని అన్నాడు ఢమాల్ పవన్. ఇక శ్రీజాకి సిల్వర్ స్టార్ ఇచ్చి.. నువ్వు ఇంప్రూవ్ అవ్వాలని అన్నారు.
సుమన్ శెట్టీ నీ శక్తిని గుర్తించు..
ఆ తరువాత సుమన్ శెట్టిని లేపిన నాగార్జున.. ‘నువ్వు గోల్డ్ స్టార్‌కి దగ్గరగా ఉన్నావ్.. నీ బలం నీకు అర్థం కావడం లేదు. హనుమంతుడికి తన శక్తి తనకి తెలియనట్టు.. సుమన్ శెట్టికి తన శక్తి తెలియడం లేదు. నువ్వు ఆడుతుంటే భలే మజా వస్తుంది. టీంని కలుపుకుని ముందుకు వెళ్లాలి. స్ట్రాటజీలను అర్థం చేసుకోలేకపోతున్నావ్. నీ టీంలో ఉన్న సంజన నీ మాట విననప్పుడు ఎందుకు నీకెపాసిటీ ఉపయోగించడం లేదు. నీ స్థాయికి గోల్డ్ స్టార్ రావాలి. నువ్వు బాటసారివి అది గుర్తుపెట్టుకో అంటూ సిల్వర్ స్టార్ ఇచ్చారు నాగ్. తర్వాత తనూజకి సిల్వర్ స్టార్ ఇచ్చారు. నువ్వు ఈ హౌస్‌ని గెలవడానికి వచ్చావా? బంధాల కోసం వచ్చావా? ఈ బంధాలనేవి ఇంకా ఇంకా పెరిగితే భారంగా మారతాయి. అనవసరంగా ఏడ్వకు. అదే నీ ఆటను ముంచేస్తుంది. నీ రైట్స్ కోసం నువ్వు ఫైట్ చేయి అని అన్నారు.
జస్ట్ మిస్ గోల్డ్.. ఓరి దీని యాక్టింగో
రీతూని లేపి.. ‘నీకు బ్లాక్ కావాలా? సిల్వర్ కావాలా అని అడిగారు నాగ్. ఆయన అలా అడగ్గానే.. సార్ పక్కా సిల్వర్ సార్.. జస్ట్ మిస్ గోల్డ్ సార్ అని అన్నది రీతూ. ఎందుకూ అని అంటే.. ‘నేను నాలాగ ఉంటున్నాను సార్.. ఎంత ఎంటర్ టైన్ చేయగలనో అంత ఎంటర్ టైన్ చేస్తున్నా సార్.. ఒక్క దగ్గరే ఉండటం లేదు సార్.. గేమ్స్ విషయానికి వస్తే.. నా వల్ల ఎంత అయితే అంత చేస్తున్నా.. అన్నింటిలో నేను ఊడపొడుస్తున్నా సార్ అని అన్నది రీతూ. అలా అయితే మరి గోల్డ్ రావాలి కదా అని నాగార్జున అంటే.. జస్ట్ మిస్ సార్ అని అన్నది రీతూ. ఎఫెర్ట్ పెట్టడం కాదమ్మా రిజల్ట్ ఏంటీ అని నాగార్జున అడిగితే.. జస్ట్ మిస్ అవుతుంది సార్ అని అన్నది. సర్లే సిల్వర్ స్టార్ తీసుకో.. గెలవాలనే తపనతో పాటు గెలుపుకి స్ట్రాటజీ కూడా కావాలి అని అన్నారు నాగ్. దాంతో రీతూ.. ‘అవును సార్.. నేను స్ట్రాటజీలు వాడుతుంటే అన్ ఫెయిర్‌గా ఆడుతున్నాని అంటున్నారు. నాకు మరీ అంత ఎక్కువ బ్రెయిన్ ఉందని అనుకుంటున్నారు’ అని అన్నది రీతూ. ఏంటీ నీకా? నేను అనుకున్నానా? అని నాగార్జున నవ్వడంతో.. కొంతమంది అనుకుంటున్నారు సార్ అని అన్నది రీతూ.ఆ మాటతో నాగార్జున.. ‘స్ట్రాటజీ ఉంది నీకు. అందుకే కదా కళ్యాణ్‌ని తీసేశావ్ అని అన్నారు నాగార్జున. అది సరే.. కళ్యాణ్ నువ్వూ మాట్లాడుకోవడం లేదా? అని అడిగారు నాగార్జున. ‘లేదు సార్.. నా తప్పు లేకపోయినా కూడా.. నేను ఎంత బ్రతిమిలాడాలో అంత చేశాను. నా ఫ్రెండ్ అంటే నాది తప్పా రైటా అని ఆలోచించను. నా ఫ్రెండ్ బాధపడుతున్నాడంటే ఎంతకైనా తగ్గుతా. కానీ అతను మాత్రం.. నువ్వు తప్పు నువ్వు మోసం చేశావ్ అని అంటే.. నేను తీసుకోవడానికి రెడీగా లేను సార్. నిన్నటి వరకూ నేను ట్రై చేశాను సార్.. మోసం మోసం అంటే నేను వాళ్లని మోసం చేయలేదు సార్. వాళ్లు ఆడితే గేమ్.. వాళ్లు ఆడకపోతే గేమ్ కాదంటే ఎలా సార్. నా ఫ్రెండ్ షిప్ మోసం అంటే కరెక్ట్ కాదు సార్.
Read Also: Bigg Boss Sanjana: నేను బట్టలిప్పుకుని తిరిగానా? సంజనా వితండ వాదన.. వాయించేసిన నాగార్జున
లాయర్లు లేరు సార్..
ఇంతలో మన ఢమాల్ పవన్.. రీతూకి మాటల్ని గుర్తు చేస్తూ కనిపించాడు. దాంతో శ్రీజా.. సీరియస్ అయ్యింది. ఏంటి శ్రీజా.. మీరిద్దరూ ఏదో మాట్లాడుకుంటున్నారు అని అంటే.. ‘లాయర్ ఆమెకి పాయింట్లు అందిస్తున్నాడు. ఇన్ పుట్స్ ఇస్తున్నాడు. ఆమెకి ఇతను లాయర్ కదా’ అని అన్నది. దాంతో రీతూ.. ‘నాకు లాయర్లు ఎవరూ లేరు సార్.. నేను మాట్లాడుకోగలను’ అని అన్నది. ఓ పక్క కళ్యాణ్.. ఎవరి గేమ్ వాళ్లు ఆడుకోవాలని అన్నాడు.. శ్రీజ ఏమో తీసేస్తా అన్నది. అప్పుడు నేను డీమాన్‌ని కళ్యాణ్‌ని తీసేయమని చెప్పాను.. అందులో తప్పేం ఉంది. కనీసం చివరి వరకూ నిన్ను ఉంచుతాను అని శ్రీజ నాకు చెప్పి ఉంటే.. నేను తీయమని చెప్పేదాన్ని కాదు. వాళ్లు క్లియర్‌గా నన్నే తీసేస్తారని చెప్పడంతో.. నేను తీయమంటే తప్పేం ఉంది? అని అన్నది. దాంతో నాగార్జున సర్లే కానీ.. గెలిచి చూపించు అని అన్నారు.
ఫ్లోరా డైరెక్ట్ నామినేషన్
ఇక హౌస్‌లో ఉన్న వాళ్లలో హరీష్, ఫ్లోరాలకు పూర్ పెర్ఫామెన్స్ కారణంగా బ్లాక్ స్టార్లు ఇచ్చారు. వీళ్లిద్దరూ ఎవరు పూర్ అంటే ఫ్లోరా వైపు మొగ్గు చూపించారు ఇంటి సభ్యులు. దాంతో ఫ్లోరాని వచ్చే రెండు వారాలకు నేరుగా నామినేట్ చేశారు నాగార్జున. ఆటలో ఇంపాక్ట్ చూపిస్తే హౌస్‌లో ఉంటావ్. లేదంటే బయటకు పోతావ్ అని ఫ్లోరాని నాగ్ గట్టిగానే హెచ్చరించారు.
