Bigg Boss Sanjana Galrani: ప్రతి సీజన్‌లో బిగ్ బాస్ టీంకి.. హోస్ట్ నాగార్జునకి ఓ టార్గెట్ కంటెస్టెంట్ ఉంటాడు. హౌస్‌లోని పత్తేపారాలను పట్టించుకోరు కానీ.. టార్గెటెడ్ కంటెస్టెంట్ ఊ అన్నా తప్పే.. ఆ అన్నా తప్పే. పాపం ఈ సీజన్ లో హరిత హరీష్ పరిస్థితి అలా మారింది. ఇలాంటి ఓ లత్కోర్ పంచాయితీలో హరీష్ ని నాగార్జున ఉతికారేశాడు. బిగ్ బాస్ సీజన్ 9 ముచ్చటగా మూడోశనివారానికి వచ్చేసింది. ఇక శనివారం వచ్చిందంటే హోస్ట్ నాగార్జున వస్తారు వాయింపు స్టార్ట్ చేస్తారు. అయితే ఈవారంలో సంజన ఎలిమినేట్ కాగా.. ఆమెను స్టేజ్ మీదికి పిలవడంతో 20వ ఎపిసోడ్‌లో ప్రారంభం అయ్యింది. స్టేజ్ మీదికి చేతులు పట్టుకుని మరీ స్వాగతం పలికారు మన్మథుడు నాగార్జున. ఎవరైనా ఎలిమినేట్ అయితే బాధపడతారు కానీ.. ఈమె మొహం మాత్రం వెలిగిపోయింది. నాగార్జున కళ్లలోకి చూస్తూ ఉండిపోయింది. మీరు హౌస్‌లో ఉండాల్సింది.. ఎంజాయ్ చేసేవారు.. వాళ్లైతే నన్ను గన్ తీసి షూట్ చేసేట్టుగా ఉన్నారు అని అన్నది. ఏం చేస్తాం హౌస్ నిర్ణయం కదా.. ఏం చేయలేం అని అన్నారు నాగార్జున. దాంతో సంజన.. ‘లేదు సార్.. నేను ఎలిమినేట్ కావడానికి అంత బ్యాడ్‌గా ఏం చేశానో అర్థం కావడం లేదు అని అన్నది. నేను సరదాగా ఎంటర్‌టైన్ చేశాను.. నేను చేసింది పది శాతమే.. ఇంకా 90 శాతం దాచి పెట్టాను. ఏదోటి చేయాలని చేయి దురదపెడుతుంటుంది సార్.. అని అన్నది. ఆ తరువాత హౌస్‌తో మాట్లాడించారు నాగార్జున.
స్క్రిప్టెడ్ వర్షెన్ లా..
అయితే ఓవరాల్‌గా ఈ సంజనా మిడ్ వీక్ ఎలిమినేషన్.. తిరిగి హౌస్‌లోకి రావడం.. ఆమె కోసం హౌస్ మేట్స్ చేసిన త్యాగాలు.. నాగార్జున మాట్లాడిన మాటలూ.. ఇవన్నీ చూస్తే టోటల్‌గా ఇదో స్క్రిప్టెడ్ వర్షన్ అనేట్టుగానే సాగింది. సంజనను హైలైట్ చేయడానికి ఈ ఎపిసోడ్‌ అనేట్టుగా సాగింది ఫస్టాఫ్ అంతా. హౌస్ నుంచి ఎలిమినేట్ సంజనతో మాట్లాడేద్దాం.. వెళ్లే ముందు హౌస్‌లో ఉన్న వాళ్లలో ఎవరు ఏం మార్చుకోవాలో ఒక్కొక్కరి గురించి చెప్పు అని సంజనని అడిగారు నాగార్జున. దీంతో సంజన ఒక్కొక్కరి గురించి చెప్పుకొచ్చింది.
హౌస్ మేట్స్ గురించి ఏం చెప్పిందంటే?
సుమన్ ఏ విషయంపైనా స్టాండ్ తీసుకోలేరు.. పుష్ చేస్తూ ఉండాలి. శ్రీజ 1000 పర్సెంట్ ఆర్గ్యుమెంట్ నుంచి 300 పర్సెంట్ వరస్ట్ ఆర్గ్యుమెంట్‌కి వచ్చింది. అది ఇంకా దిగితే మంచిది. ఫ్లోరాకు భాష రాదు.. తెలుగు వస్తే బావుండేది అని మాట్లాడింది. తనూజ స్కూల్ ప్రిన్సిపాల్‌లా ప్రవర్తిస్తుంటుంది. ఎందుకు అరుస్తుందో అర్థం ఉండదు. ఆవేశంలో ఏదేదో చూస్తుంటుంది.. ఇప్పుడు చాలా మారిందని అంది. భరణి మాట మీద నిలబడాలి.. ప్రతిరోజూ వచ్చి అన్నా చెల్లీ అంటే కాదు.. కష్టం ఉన్నప్పుడు నిలబడాలి అని అంది. ప్రియ బాగానే ఉంది. ఆ గొంతు మాత్రమే పెద్దగా ఉంది. ఇక అది గాడ్ గిఫ్డ్ అనుకోవాలి. కళ్యాణ్ గేమ్ స్టార్ట్ చేశాడు.. ట్రై యాంగిల్ అని తెలిసినప్పట్నుంచి ఛేంజ్ మొదలైంది. అక్కడ ఏ యాంగిల్ నడుస్తుందో అర్థం కావట్లేదు. రీతూ అబ్బాయి నుంచి అమ్మాయి అవ్వాలి సార్.. ఆమె అలాగే ఉండాలి.
Read Also: Bigg Boss New Promo: ఎప్పుడ్రా బిడ్డా? నేను చీప్ అమ్మాయినా? సంజన ఆన్ ఫైర్
రాము రాథోడ్ ని అస్సలు నమ్మలేం. వ్యత్యాసం చూపిస్తా అని చెప్పాడు. నేను ఎప్పుడు అలా ఛూశాన్రా.. వీడు పూర్తిగా మారాలి. దేవుడు దయవల్ల.. ఈరోజు వీకెండ్ వచ్చింది కాబట్టి.. హరీష్ డ్రెస్ మార్చుకున్నాడు. నాలుగు రోజుల నుంచి ఆ జబ్బల జాకెట్ వేసుకుని.. చేయి లేపుతుంటే పక్కనున్న వాళ్లు అయిపోతారు సార్.. అని సంజన అనగానే.. అప్పుడు నాగార్జున చిరాకుగా మొహం పెట్టి అవునా అన్నారు. ఆ మాటతో సగం చచ్చిపోయాడు హరీష్. ఇక సంజన అందుకుని.. అవును సార్.. ఇతను నాలుగు రోజుల నుంచి ఒకటే హుడీ వేసుకుని.. అవే చేతులతో వంట చేస్తున్నారు. అలా వద్దని చెప్తే గొడవకు వచ్చేస్తారు. చిన్న దానికి పెద్ద గొడవ. ఊపిరి తీసుకోవాలన్నా అతని పర్మిషన్ ఉండాలన్నట్టుగా బిహేవ్ చేస్తాడు. 14 మంది రిమోట్ అతని చేత్తో పట్టుకుని బొమ్మలా ఆడుకుంటున్నాడు. చాలా ఓవర్ చేస్తున్నాడు. ఇతను మొత్తం మారాలి. మాట్లాడితే.. నేనేంటో మీకు తెలియదు.. బయట ఎలా ఉంటానోతెలియదు చూపిస్తాను అని అంటాడు. మిగిలిన వాళ్లకి బయట ఏమీ ఉండదా? ఇతనొక్కడికే ఉంటాదా? మనుషుల్ని తొక్కేస్తున్నాడు. ఇతనితో బతకలేం. ఒక్క మాట కూడా యాక్సెప్ట్ చేయడు. ఇతను కిచెన్‌లో ఉంటే భయంతో చచ్చిపోతున్నారు సార్.. ఇతనేదో పెద్ద ఫేవర్ చేస్తున్నారూ.. ప్రపంచంలో ఇతనొక్కడే వంట చేస్తున్నాడూ అన్నట్టుగా ఫీల్ అయిపోతున్నారు’ అంటూ మొత్తం కక్కేసింది సంజన.
హరీష్ పై కామెంట్స్
అయితే అతను నీట్‌గా ఉండడని.. బట్టలు మార్చడని చెప్పడం కాస్త ఇబ్బందిగానే అనిపించింది చూసేవాళ్లకి. ఇక పడేవాడికి ఇంకెంత బాధ ఉంటుంది కానీ.. ఎదురుగా నాగార్జున ఉన్నారు కాబట్టి.. కాస్త తగ్గుతూనే మాట్లాడాడు మాస్క్ మెన్. సార్.. ఆమె వెళ్లిపోతుంది.. నేను డిగ్నిటీ మెయిన్‌టైన్ చేస్తున్నా.. ఆమె గురించి ఏమీ మాట్లాడకూడదనే అనుకున్నా.. ఆమె సమస్యలో ఉంటే ఫస్ట్ స్టాండ్ తీసుకున్నది నేనే.. కానీ ఆమెకి అనుకూలంగా లేనని పర్సనల్ ఎటాక్ చేస్తున్నారు. నేను శుభ్రంగా ఉండనని అంటున్నారు. నాలుగు రోజులుగా ఒకటే డ్రెస్ వేసుకున్నానని అంటున్నారు. అది నిజం కాదు సార్.. రెండు మూడు రోజుల నుంచి నాకు డ్రెస్‌లు రావడం లేదు. అందుకే మార్చుకోలేదు. బట్ ఫుడ్ విషయంలో నేను చాలా శుభ్రంగానే చేసిపెట్టాను. కాదని హౌస్‌లో ఉన్నవాళ్లని చెప్పమనండీ.. ఒప్పుకుంటా’ అని అన్నాడు హరీష్. అంతేకాకుండా, హరీష్ వేలికి అయిన గాయాన్ని కూడా హేళన చేశారు నాగార్జున. వేలికి ఏమైంది? అన్ని విషయాల్లోనూ వేలుపెడుతున్నట్టు ఉన్నావ్ అందుకే అలా అయ్యింది అని వేలుని చూపించారు నాగార్జున. అయితే హరీష్ మాత్రం ధీటుగా సమాధానం చెప్పాడు.. తప్పు ఉంటే కచ్చితంగా పెడతాను సార్.. కౌంటర్ ఇచ్చాడు. దెబ్బకి నాగార్జున ఆల్ రైట్ అని అనేశారు.
Read Also: Bigg Boss Elimination: అబ్బ సాయిరాం.. కాట్రాజ్ కళ్యాణ్ బతికిపోయాడు.. మూడో వికెట్ ఔట్..!
హౌజ్ మేట్స్ త్యాగాలు
డీమాన్ గురించి.. ‘నేను ప్రేమగా తినిపిస్తుంటే.. నన్ను మ్యానిప్యులేటర్ అని అన్నాడు. మాస్క్ పెట్టుకుని ఆడుతున్నాడు. డబుల్ షేడ్స్ ఉన్నాయి. ఇతనిలో మార్చుకోమని చెప్పడానికేం లేదు.. ఎంత చెప్పినా మారడు. అని సంజన సెటైర్ వేసింది. అంతేకాకుండా, ఇమ్మాన్యూయేల్ గురించి మాట్లాడుతూ ఎమోషనల్ అయ్యింది. వేరే వాళ్లు ఏమైనా చేయనియ్.. వాళ్లలో సైకోలా అరవొద్దు. ఆ ఇంట్లో నాకు కనెక్ట్ అయిన నెంబర్ వన్ వ్యక్తి ఇమ్మూ. కప్పు అతనిదే అని చెప్పింది. ఆమె మాటలకు ఎమోషనల్ అయిపోయాడు ఇమ్మూ. ఒడిలో పడుకోబెట్టుకునేది. మా అమ్మ గుర్తొచ్చేది. ఆమె ఎలిమినేట్ అవుతుంటే అస్సలు నిద్రపట్టలేదు. ఒంటరి వాడ్ని అయిపోయాననే ఫీలింగ్ వచ్చింది.. మీకు మాట ఇస్తున్నా.. కప్పు తీసుకుని వస్తా’ అని కన్నీళ్లు పెట్టుకున్నాడు ఇమ్మానుయేల్. అయితే పంపినట్టే పంపి.. మళ్లీ సంజనాను మళ్లీ వెనక్కి తీసుకుని వచ్చారు నాగార్జున. అప్పటివరకూ ఆడిన డ్రామాకి తెరతీశారు. హౌస్‌లో వాళ్లు త్యాగాలు చేస్తే సంజన తిరిగి వస్తుందని ఫిటింగ్ పెట్టారు. దాంతో తనూజ కాఫీ.. భరణి లాకెట్, ఇమ్మానుయేల్ కెప్టెన్సీను త్యాగం చేయడానికి ముందుకొచ్చారు. అయితే రీతూ చౌదరిని తన జుట్టు త్యాగం చేయాలని కోరారు నాగార్జున. దాంతో పెద్ద డ్రామానే జరిగింది.
