Duvvada Srinivas: బిగ్ బాస్ వచ్చిన ప్రతిసారీ… నెగిటివిటీ పీక్స్‌లో ఉంటుంది. కంటెస్టెంట్స్ ఎంపిక మొదలు.. నామినేషన్స్, ఎలిమినేషన్స్, ఓటింగ్ ఇలా ప్రతివిషయంలోనూ వివాదాలే ఉంటాయి. అసలు వివాదం లేకుండా బిగ్ బాస్‌ని ఊహించుకోవడమే కష్టం. కాబట్టి.. ఎవరెవరైతే వివాదాల్లో ఉంటారో వాళ్లని ఏరికోరి తీసుకొస్తుంటారు. లవ్ ట్రాక్‌లు వేసేవాళ్లనీ.. ఎఫైర్లు పెట్టుకునేవాళ్లని.. నోరేసుకుని పడిపోయేవాళ్లకి ఫస్ట్ ప్రయారిటీ ఇస్తుంటారు. అలా ఈ సీజన్‌లో వివాదాస్పద దువ్వెల మాధురికి బిగ్ బాస్‌లో అవకాశం కల్పించారు. వైల్డ్ కార్డ్‌తో వెళ్లిన మాధురి.. తన వైల్డ్ బిహేవియర్‌తో తొలివారం హౌస్ మొత్తానికి చుక్కలు చూపించింది.
సీపీఐ నారాయణ పర్సనల్ అటాక్
దీంతో దువ్వాడ మాధురిపైనే కాకుండా.. ఆమె ప్రియుడు దువ్వాడ శ్రీనివాస్‌పైన..బిగ్ బాస్ షోపైనా విపరీతంగా ట్రోలింగ్ నడించింది. ఇలాంటి వాళ్లని సెలెక్ట్ చేసి సమాజానికి ఏం మెసేజ్ ఇస్తున్నారంటూ తిట్టిపోస్తున్నారు. ఈ సందర్భంలో గతంలో సీపీఐ నారాయణ బిగ్ బాస్ హౌస్‌ని బ్రోతల్ హౌస్ అంటూ చేసిన కామెంట్స్ వైరల్‌గా మారాయి. అంతేకాదు.. సీపీఐ నారాయణ బిగ్ బాస్ హోస్ట్ నాగార్జునపై పర్సనల్ ఎటాక్ చేశారు. అతని భార్య, పిల్లల గురించి వివాదాస్పద వ్యాఖ్యలు చేశారు నారాయణ. అసలు ఇలాంటి కంటెంట్‌తో సమాజానికి ఏం మెసేజ్ ఇస్తున్నారంటూ.. నాగార్జున, బిగ్ బాస్ షోపై విమర్శలు గుప్పించారు నారాయణ. అయితే ఇప్పుడు మాధురి ఇష్యూ హాట్ టాపిక్ కావడంతో.. దీనిపైన, నారాయణ కామెంట్స్ పైన దువ్వాడ శ్రీనివాస్ స్పందించారు. బిగ్ బాస్ అంటే బిజినెస్.. సందేశం ఇవ్వడానికి, సమాజాన్ని ఉద్దరించడానికి బిగ్ బాస్ లేదంటూ ట్రోలర్స్‌కి ఛాలెంజ్ విసిరారు దువ్వాడ శ్రీనివాస్.
Read Also: Amardeep: రేయ్ ఏందిరా ఇవన్నీ.. బెడ్రూమా.. పండ్లతోటనా?
నారాయణ తప్పు చేస్తున్నారు..
ఇంటర్వ్యూలో దువ్వాడ మాట్లాడుతూ.. సీపీఐ నారాయణ బిగ్ బాస్ షోని విమర్శించడమే కాదు.. నాగార్జునని వ్యక్తిగతంగా విమర్శించారు. ఆయన చాలా తప్పు చేస్తున్నారు. నాగార్జున వెరీ నైస్ పర్సన్.. ఆయన ఎవరి జోలికి వెళ్లరు. ఆయన వ్యాపారాలు ఆయన చేసుకుంటున్నారు. బిగ్ బాస్ హౌస్ గురించి మాట్లాడుతున్నావ్.. ఏ?? సినిమా హాల్స్‌కి ఆడ, మగ కలిసే కదా వెళ్తున్నారు. మార్నింగ్ షో చూస్తే.. స్టూడెంట్స్ చాలామంది ఆడ మగ కలిసే వెళ్తున్నారు. వాళ్లు ఎందుకు వెళ్తున్నారో చూస్తూనే ఉన్నాం. కాబట్టి సినిమాలను బ్యాన్ చేద్దామా? దానికి ఒప్పుకుంటారా?ఆడ, మగ కలిసి వెళ్లే సెలూన్స్ ఉన్నాయి.. వాటిని బ్యాన్ చేద్దామా? ఆడ, మగ కలిసి లేకుండా ప్రపంచంలో ఏ వ్యవస్థ నడుస్తుంది. అవన్నీ బ్యాన్ చేసేద్దామా? ఆఫీస్‌లను క్లోజ్ చేసేద్దామా? బిగ్ బాస్ షో వల్ల ఏం ఉపయోగం? దాని వల్ల సమాజానికి ఏం సందేశం ఇస్తున్నారు అని అంటారు. బిగ్ బాస్ సందేశం ఇవ్వడానికి పెట్టలేదయ్యా.. బిజినెస్ కోసం పెట్టారు. సందేశం అని అంటారేంటి? ట్రోలర్స్‌కి నేను చెప్పేది ఏంటంటే.. మనం సందేశం ఇవ్వడానికి పుట్టడానికి పుట్టలేదు. అసలు మనం ఎవరు సందేశం ఇవ్వడానికి? తెల్లారిలేస్తే చాలు.. మాధురి ఏం సందేశం ఇస్తుంది? దువ్వాడ శ్రీనివాస్ ఏం సందేశం ఇస్తున్నారు? బిగ్ బాస్ ఏం సందేశం ఇస్తుందని అంటారు. సందేశాలు ఇవ్వడానికి మనం దేవుళ్లు కాదు. సందేశం ఇచ్చే అధికారం ఆయనకి మాత్రమే ఉంటుంది.
Read Also: Bigg Boss Telugu: ఎప్పుడు మారుతారో.. బిగ్ బాస్ టీమ్ ని ఏకిపారేసిన గవర్నమెంటు కోడలు
సందేశం అంటే ఏంటో తెలుసా?
శ్రీకృష్ణ పరమాత్ముడు గీతలో చెప్పాడే.. దాన్ని సందేశం అంటామని దవ్వాడ తత్వాన్ని మాట్లాడారు. రామాయణంలో శ్రీరామ చంద్రమూర్తి ఇచ్చినదాన్ని సందేశం అంటారు. కలియుగం వచ్చేసింది.. అప్పటి నుంచి ఇప్పటి వరకూ ఈ భూమ్మీద ఒక్కడంటే ఒక్కడైనా శ్రీరామచంద్ర మూర్తిలా పుట్టారా? పరాయి స్త్రీ మొహం కూడా చూడని ఒక మగాడు పుట్టాడా? పుడితే నన్ను విమర్శించే ట్రోలర్స్ నా ముందుకు రండి. నాపై ప్రశ్నలు సంధించండి.. సమాధానం చెప్తానంటూ ఛాలెంజ్ విసిశారు దువ్వాడ శ్రీనివాస్.
