Bhargav Ram: యంగ్ టైగర్ జూనియర్ ఎన్టీఆర్ కుటుంబం ఎక్కడ కనిపించినా, ఆ సెంటర్ ఆఫ్ అట్రాక్షన్ మొత్తం ఎన్టీఆర్ తనయుల వైపు మళ్లుతుంది. ముఖ్యంగా, ఇటీవల జరిగిన ఎన్టీఆర్ బావమరిది నార్నె నితిన్ వివాహ వేడుకలో, ఎన్టీఆర్ చిన్న కొడుకు భార్గవ్ రామ్ సృష్టించిన సందడి అంతా ఇంతా కాదు. ప్రస్తుతం సోషల్ మీడియాలో ఎక్కడా చూసినా ఈ ‘నెక్స్ట్ జనరేషన్ స్టార్’ గురించే ట్రెండింగ్ నడుస్తోంది.

ALSO READ: https://teluguprabha.net/cinema-news/jr-ntr-devara-tv-premiere-date-fixed/

అచ్చం ‘చిన్నప్పటి తారక్’లా…

భార్గవ్ రామ్ చూడటానికి అచ్చం చిన్ననాటి జూనియర్ ఎన్టీఆర్‌ను పోలి ఉండడంతో, అభిమానుల దృష్టి మొత్తం అతనిపైనే పడింది. ఆ క్యూట్‌నెస్, అమాయకత్వం, ముద్దు ముద్దు చేష్టలు చూసి ఫ్యాన్స్ ఫిదా అవుతున్నారు. సోషల్ మీడియాలో ‘భార్గవ్ రామ్’ పేరుతో వేలాది మీమ్స్, రీల్స్ క్రియేట్ అవుతున్నాయి. ప్రతిసారి ఎయిర్‌పోర్ట్స్ వద్ద, ఫ్యామిలీ ఫంక్షన్స్‌లో ఈ బుడతడిని చూసేందుకు నెటిజన్లు ఆసక్తి చూపుతున్నారు.

‘వెంకీ మామ’తో ఆడిపాడిన బుడ్డోడు!

ఈ వివాహ వేడుకకు టాలీవుడ్ ప్రముఖులు పెద్ద సంఖ్యలో హాజరయ్యారు. ముఖ్యంగా, విక్టరీ వెంకటేష్ (వెంకీ మామ) భార్గవ్ రామ్‌తో చాలా సరదాగా గడిపిన దృశ్యాలు అందరి దృష్టిని ఆకర్షించాయి. వెంకీ మామ కూడా ఈ చిన్ని తారక్‌తో ఆప్యాయంగా ఆటలు ఆడటం చూసి, ఎన్టీఆర్ ఫ్యాన్స్ ఆనందం వ్యక్తం చేస్తున్నారు. ఈ వీడియోలు క్షణాల్లో వైరల్ అయ్యాయి.

ALSO READ: https://teluguprabha.net/cinema-news/sai-dharam-tej-allu-arjun-controversy/

భారీ ఫాలోయింగ్!

సినీ రంగ ప్రవేశం గురించి ఆలోచించే వయసు కూడా కాకముందే, భార్గవ్ రామ్ తన క్యూట్ ప్రెజెన్స్‌తో, అద్భుతమైన ఫ్యామిలీ బ్యాక్‌గ్రౌండ్‌తో లక్షలాది మంది అభిమానులను సంపాదించుకుంటున్నాడు. తెలియకుండానే సోషల్ మీడియాలో అతని ఫాలోయింగ్ విపరీతంగా పెరిగిపోతోంది. భవిష్యత్తులో ఈ ‘చిన్న తారక్’ గట్టి పోటీ ఇచ్చేలా ఉన్నాడంటూ అభిమానులు ఇప్పుడే అంచనాలు వేస్తున్నారు. భార్గవ్ రామ్ బాల్యం నుండే ఇలాంటి హైప్ క్రియేట్ చేయడం చూస్తుంటే, నందమూరి అభిమానుల వారసత్వపు ఆశలు అతనిపైనే ఉన్నాయని స్పష్టమవుతోంది.